Vrau kunatën me pushkë, arrestohet Agron Tanushi, fshihej në një lagje të Lushnjës

16/09/2020 - 13:58

Arrestohet në Lushnje Agron Tanushi, i akuzuar për vrasjen e kunatës së tij 34-vjeçare Jetmira Hasani, e ndarë nga i vëllai. 

Si rezultat i kontrolleve të pandërprera, përdorjes së metodave speciale të hetimit dhe pamundësisë së fshehjes më gjatë autori i dyshuar i vrasjes ka rënë në prangat e shërbimeve të policisë së Lushnjës dhe të DVP Tiranë, pasi ishte i rrethuar pa asnjë mundësi largimi apo fshehjeje të mëtejshme.

Menjëherë pas njoftimit të marrë për një ngjarje të ndodhur për shkak të marrëdhënieve familjare në orët e mbrëmjes të ditës së djeshme në Bathore, Kamzë, ku mbeti e vrarë me armë zjarri shtetasja J. H., Strukturat e Drejtorisë Vendore të Policisë Tiranë, në bashkëpunim me Komisariatin e Policisë Nr.5, Kamëz kanë ushtruar kontrolle të pandërprera si dhe kanë përdorur metodat proaktive për të bërë të mundur lokalizimin e vendndodhjes së autorit.

Si rezultat i trysnisë së ushtruar nga ana e Policisë duke kryer kontrolle të shtuara e të pandërprera në dhjetëra objekte, banesa, hotele, dhe godina të braktisura, informacioneve të grumbulluara, bashkëpunimit me familjarët, bashkëpunimit me Komisariatin e Policisë Lushnje dhe falë metodave proaktive mëngjesin e sotëm u bë lokalizmi i vendndodhjes së autorit, i cili fshihej në një lagje në Lushnje.

Pas disa orë kërkimesh, para pak minutash autori i dyshuar i ngjarjes, shtetasi A. T., 31 vjeç, u vu në pranga nga shërbimet e Komisariatit të Policisë Lushnje dhe të DVP Tiranë që e kishin mbajtur të rrethuar zonën ku ishte lokalizuar vendndodhja e tij.

Ky shtetas si pasojë e një konflikti të çastit, për motive të dobëta ka vrarë me armë zjarri ish-kunatën e tij shtetasen J. H., 34 vjeçe.

Në bashkëpunim me Prokurorinë, vijon puna për dokumentimin e plotë të kësaj ngjarjeve.

/portali DurresLajm/

Na bëni like në facebook!: 

Lajme nga e njëjta kategori

Kapet dhe arrestohet në flagrancë nga shërbimet e Komisariatit të Policisë Kavajë, një 46-vjeçar që kryente vjedhje banesash dhe portofol

Policia Kufitare ka arrestuar me qëllim ekstradimi një shtetas maqedonas me rrezikshmëri të lartë shoqërore.

Mëngjesin e sotëm, rreth orës 09:35, në lagjen nr.17, Durrës, pranë stacionit të trenit, ka rënë zjarr në apartamentin e shtetases Dh.H.

Aksident në autostradën Durrës-Tiranë, një automjet tp “Benz” përplaset me një furgon pasagjerësh.

Dy të rinj të shpallur në kërkim kanë përfunduar në prangat e policisë së Krujës.

Teprimi me konsumin e alkoolit i ka kushtuar rëndë një 48-vjeçari nga Tirana, që është arrestuar në qendër të Durrësit. Shtetasi Sh.K.

Tragjik ka rezultuar fati i një 10-vjeçari shqiptar në Itali, i cili ka ndërruar jetë pas një aksidenti.

Një shqiptar ka përfunduar pas hekurave, pasi tentoi që të mbyste me tel gruan e tij italiane.

Një aksident është regjistruar këtë mbrëmje në dalje të qytetit të Beratit, në zonën e kombinatit.