Një vrasje me armë zjarri ka ndodhur orët e vona të mbrëmjes së të mërkurës në afërsi të stadiumit në Laç, Kurbin.
Policia tha se në rrethana ende të paqarta është vrarë me armë zjarri 24-vjeçari me iniciale V. SH.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit/eve, ndërkohë që në ndihmë të Policisë Vendore, është nisur drejt Laçit edhe një grup specialistësh nga Drejtoria për Hetimin e Krimeve të Rënda në Departamentin e Policisë Kriminale.
Shërbimet e Policisë së Lezhës, të Komisariatit të Policisë Kurbin dhe Forcat e Ndërhyrjes së Shpejtë po krehin zonën, ku janë ngritur edhe pika kontrolli për kapjen e autorit/eve.
