Zbardhen lidhjet e gjakut mes 8 viktimave të masakrës së 24-vjeçarit Zykaj

10/08/2018 - 20:57

   Policia ka dhënë të tjera detaje në lidhje me identitetin e personave që kanë mbetur të vdekur në fshatin Resulaj nga duart e 24 vjeçari Ridvan Zykaj.

8 viktimat janë pjesëtar të familjeve Zykaj. 24 vjeçari fillimisht ka qëlluar mbi vëllain e gjyshit të tij, Demir Zykën. Demir Zykaj së bashku me gruan e tij Ferie Zyka kanë qenë të parët që janë ekzekutuar. Demir Zyka ishte 75 vjeç ndërsa gruaja Ferie Zyka, 72 vjeçare. Në shtëpinë e Demir Zykës qëndronte dhe djali i tij së bashku me gruan, Azem e Afërdita Zykaj.

Të katër personat janë vrarë në një shtëpi.

Më tutje 24 vjeçari Ridvan Zykaj ka shkuar në shtëpinë e djalit tjetër të Demir Zykajt, shtetasit Besim Zykaj. Në shtëpinë e 42 vjeçarit ndodhej e gjithë familja, gruaja e Besimit, Vasilika Zyka, një vajzë adoleshente me emrin Sara Zyka, 17 vjeçe si dhe fëmijën 9 vjeçar Ledjon Zykaj.

Ndërkohë vetë prindërit e 24 vjeçarit janë shoqëruar nga policia dhe janë marrë në pyetje. Deri më tani nuk ka të dhëna për atë që kanë deklaruar përpara hetuesve prindërit e 24 vjeçarit.

Ngjarja e përmasave katastrofike nuk ka përfunduar ende, pasi i riu është ende në arrati. Të gjitha forcat speciale janë vënë në ndjekje të të riut i cili punonte si bari. Nga momenti që ka ndodhur ngjarja e deri më tani nuk ka asnjë shenjë të autorit të masakrës, por policia ka paralajmëruar se 24 vjeçari ka ende armën kallashnikov me vete dhe është i armatosur, duke mbetur kësisoj një person mjaft i rrezikshëm për këdo që i del përpara.

Një tjetër detaj, i përcjellë nga banorët e zonës është dhe fakti se i riu nuk njihej si person me probleme mendore. Top Channel raportoi se 24 vjeçari ishte përdorues droge por jo me të meta mendore.

Nga ana tjetër motivi i ngjarjes mbetet në pistën e konflikteve për tokën. Gazetari i Report tv raportoi se shkaku  ka qenë ushqimi për pulat dhe një konflikt i momentit në lidhje me to.

Deri më tani policia ka dhënë vetëm një sqarim paraprak. Motivi i vërtetë dhe shkaqet e plota ende mbeten të pazbardhura, njëlloj si dhe fakti se RENEA, DELTA FORCE dhe FNSH ende nuk e kanë prangosur të riun.

Mundësia që me të gjetur autorin të ketë dhe një përplasje me armë mbetet e lartë, pasi 24 vjeçari nuk ka ndërmend të dorëzohet. I riu është njohës i zonës pasi ka punuar si bari dhe errësira është në këto momente, “aleati më i mirë”.

Ndërkohë në fshatin ku ndodhi tragjedia ka shkuar me urgjencë Ministri i Brendshëm Fatmir Xhafaj si dhe kreu i Policisë së Shtetit Ardi Veliu.

/portali DurresLajm/

Na bëni like në facebook!: 

Lajme nga e njëjta kategori

Policia italiane ka zbuluar një sasi të madhe droge prej 1250 kg, e cila ishte e fshehur në dy kamionë të ngarkuar me qepë dhe portokalle

Dy ditë pasi një 45-vjeçar me kombësi shqiptare u gjet i vdekur pranë një sheshi lojërash, ngjitur me aksin rrugor kryesor të fshatit Agi

Policia e Sarandës ka arrestuar një 46-vjeçar të shpallur në kërkim për plagosje me dashje.

Policia e Shtetit ka arrestuar një shtetas të shpallur në kërkim kombëtar, i dënuar me 8 vite burg për "trafikim të narkotikëve i kryer n

Policia greke ka arrestuar një 47-vjeçar shqiptar të akuzuar për një vrasje të ndodhur në vitin 2013.

80-vjeçari, Ndue Fuga, i cili u mor dje nga banesa e tij në Fishtë të Lezhës dhe u soll në Tiranë nën akuzën për akte dhune gjatë protest

Detaje të reja mësohen për atentatin e ndodhur një ditë më parë në qytetin bregdetar të Vlorës, ku mbetën të vdekur Orest Rexho dhe Arjan

Gjykata e Tiranës do të zhvillojë nesër seancën për masën e sigurisë për të arrestuarit e protestës së 16 shkurtit.

Policia e Vlorës ka arrestuar Armando Sulejmanin, i njohur edhe me nofkën “Çipuri”, një ditë pas atentatit në zonën e Ujit të Ftohtë ku m