15 vjet “Miss & Mister Turizmi” në Durrës, cilët janë triumfuesit e garës së bukurisë (VIDEO)

19/07/2019 - 13:40

Mbrëmjen e së enjtes u finalizua në Durrës 15-vjetori i eventit unikal “Miss & Mister Turizmi”. Ashtu siç tha dhe Producentja, zonja e suksesshme Myzejen Konduri, ky projekt nuk mbeti iluzion me gjithë pengesat që pati, por bashkë me stafin profesional e konkurentët e mrekullueshëm, vendosën vetë fatin e kësaj gare bukurie që nuk la në harresë trashëgiminë kultutore.

Edhe këtë vit, juria e përbërë nga personalitete si znj. Valbona Sako, kryetarja e re e bashkisë së Durrësit, Artemis Dralo zv.ministre e Jashtme, përfaqësuesja e Ministrisë së Kulturës Lediana Bardhi, Eltion Rramilli, drejtori i universitetit “INITO” në Qipro që dhuroi 6 bursa për fituesit e këtij eventi; administratorja e “2 Kitarrat Boutique Hotel & Spa” Nina Beqiraj; kryetari i shoqatës së Hotelerisë e Turizmit Eduart Xhepa etj.; nuk e pati të lehtë të zgjidhte midis konkurentëve, të cilët të gjithë kishin ardhur të preknin suksesin.

Për herë të parë, të 6 fituesve iu mundësua bursë nga universiteti “INITO” në Qipro. Mes 34 konkurentëve, më të bukurit u shpallën:

1. Miss Turizmi - Franceska Rustemi, 16 vjeçe, nga Durrësi

2. Mister Turizmi - Albi Papa, 18 vjeç, nga Tirana

3. Miss Plazhi - Olivia Golja, 17 vjeç, nga Shijaku

4. Mister Plazhi - Emilian Hasa, 18 vjeç nga Dibra

5. Sirena e Detit - Dajana Ponari, 17 vjeç, nga Durrësi

6. Princi i Kaltër - Orges Duka, 18 vjeç, nga Durrësi

LUGA E ARGJENDË...iu dha për herë të parë në votë, Orges Dukës.

Çmimin e parë të Miss Turizmit e dorëzoi Valbona Sako.

Vajzat e bukura, elegante e të mençura dhe djemtë e hijshëm me ndjesinë e burrërimit, shpalosën në skenën e teatrit “Aleksandër Moisiu” konstelacionin e magjishëm të yjeve të bukurisë.

Prezantuesja Xheni Konduri, shkëlqeu edhe këtë radhë në drejtimin e programit. Ndërsa mjeshtri i koreografisë në kërcim e sfilata, Arian Plaku, e bëri më të dukshme magjinë e bukurisë në sfilatën e konkurentëve.

Në skenën e teatrit u ngjitën edhe disa nga artisët më të preferuar të kohës, si: Olta Boka, Erik Lloshi etj. që ndezën sallën me këngët e interpretimet e tyre.

Ky event, tashmë i patentuar prej vitesh, nuk do të rrugëtonte gjatë e s’do të arrinte këtë sukses pa pasionin, përkushtimin dhe qëndrueshmërinë e Producentes Myzejen Konduri.

S.L.

/portali DurresLajm/

Video: 
Na bëni like në facebook!: 

Lajme nga e njëjta kategori

Regjisori Pëllumb Kulla rrëfen në emisionin “Kjo Javë”, në News24, takimin me ish-diktatorin Enver Hoxha, teksa familja e tij ishte e per

Teatri Kombëtar ka kujtuar sot 73-vjetorin e aktorit të madh Roland Trebicka, shtatë vite pas ndarjes nga jeta më 6 mars 2013, pas një së

Piktori Arben Kristani ka hapur këto ditë në Durrës ekspozitën e tij të tretë brenda pak vitesh në qytetin bregdetar.

Pas ndarjes së parakohshme nga jeta të aktorit të famshëm Xhevdet Ferri, ka reaguar edhe teatri i Durrësit "Aleksandër Moisiu".

Kinematografia shqiptare humbet një nga aktorët e saj më të mirë.

Është ndarë nga jeta në moshën 86-vjeçare regjisori i mirënjohur shqiptar, Fehmi Hoshafi.

Një mision i ekspertëve italianë do të vijë në Shqipëri për të vlerësuar dëmtimin e trashëgimisë kulturore nga tërmeti i fortë i 26 nënto

“Ka një botë të vogël që është skena dhe një skenë të madhe që është bota”! Sot teatri i Durrësit “Aleksandër Moisiu” feston 67

Ka kaluar pak kohë nga Festivali i RTSH-së, megjithatë polemikat vazhdojnë ende.

Ashtu si vitin e kaluar, edhe këtë vit ceremonia e ndarjes së çmimeve Oscars do të zhvillohet pa një prezantues/e.