Janë kurorëzuar në Durrës pas një stuhie vështirësish prej pandemisë së Covid-19, “Miss & Mister Turizmi 2020”.
Produksioni dhe producentja e palodhur, Myzejen Konduri, finalizuan këtë event kombëtar në mjediset e hotel “ALER” në bregdetin e Malit të Robit, me Mbështetjen e Bashkisë Kavajë, nën kujdesin e kryetarit Redjan Krali; çiftit altruist e vizionar, Tatjana & Bledi Bajraktari, administratorë të hotel “ALER”; Universiteti i Dijes “Marin Barleti” Tiranë; Universiteti “Inito Education Consulting” Qipro; etj.
34 konkurentët shkëlqyen në 5 sfilatat realizuar nga Mjeshtri i Koreografisë, Arian Plaku; veshur nga stilistja, Alma Calliku dhe nën formulimin muzikor të Julian Shytit.
Tri çmimet fituese, nën atmosferën e fishekzjarreve, dritave shumngjyrëshe e një torte me logon e “MISS & MISTER TURIZMI”, u ndanë mes Durrësit, Tiranës dhe Kavajës, përkatësisht:
1. Miss Turizmi, 18-vjeçarja, Anxhela Bashanovic, nga Durrësi
2. Mister Turizmi, 18-vjeçari, Regis Kasemi, nga Durrësi
3. Miss Plazhi, 16-vjeçarja, Marinela Bici
4. Mister Plazhi, 20-vjeçari Mikel Musabelliu, nga Tirana
5. Shoqëruesja e parë e Missit, 17-vjeçarja, Pamela Mehja
6. Shoqëruesi i parë i Misterit, 19-vjeçari, Rejdi Bodlli, nga Kavaja
Fituesit u shpërblyen me 6 bursat e dhëna nga Universiteti “Marin Barleti” dhe “Inito Education Consulting”.
Dy fituesit kryesorë, Miss Turizmi dhe Mister Turizmi, janë po të njëjtët të rinj që pak muaj më parë, në shkurt, u kurorëzuan dhe më të bukurit e Durrësit, duke rrëmbyer çmimet e para si Miss e Mister Durrësi!
Producentja Konduri, përmes një prononcimi për “DurrësLajm”, iu uron fituesve “që të na nderojnë në spektakle të tjera Kombëtare e Ndërkombëtare!”.
