“General e Playboy” mbërrin në Durrës (VIDEO)

Postuar: 15/04/2017 - 17:01

Shfaqja teatrale e shkrimtarit dhe karikaturistit Bujar Kapexhiu është duartrokitur gjatë nga publiku durrsak.  

Kush mban mend tregun e medieve në fillim të viteve ’90, fenomeni ishte revista erotike “Playboy”. Një ushtarak i rreptë, kolonel, u vendos në kontradiktë me parimet e tij, kur dy djemtë vendosën të botojnë gazetën e asaj kohe, me emrin provokues “Playboy”. Ishte një nga gazetat më të shitura dhe për karikaturistin e shkrimtarin Bujar Kapexhiu ky rast ishte një gjurmë aq e thellë sa e çoi të shkruante një tekst: “General & Playboy”, të posaçëm për skenë teatri, që shfaqet për katër ditë me radhë në teatrin “Aleksandër Moisiu” në Durrës.

Kapexhiu, me mendimin se fenomeni është aktual, e ka ndërtuar vetë edhe regjinë për të shkuar në psikozën e mendësinë që ekziston ende.

Bujar Kapexhiu rrëfen se “General and playboy”, u shkrua fillimisht për t’u realizuar si telefilm dhe për vite u mbyll në sirtar. Për shkak të vështirësive që sot duhet të kalojë një projekt artistik për t’u bërë film, regjisori u dorëzua, por jo plotësisht, duke e sjellë veprën në teatër.

Lënda letrare dhe ajo skenike vijnë bashkë duke pasur në fokus një gjeneral të viteve të para të ardhjes së demokracisë; një kapter nga koha e diktaturës dhe një biznesmen i ardhur nga provinca në kryeqytet. Midis dy ushtarakëve ndihet diferenca arsimore, sidomos me futjen në NATO, që e detyron gjeneralin në moshë, të nisë mësimet për gjuhën angleze, me mësuese private në shtëpi. Kapexhiu ka treguar se shfaqja është realiste dhe nuk shkon jashtë strukturës së tekstit, ndërtuar mbi karaktere, situata dhe raportet mes personazheve.

“Papunësia, mungesa e të ardhurave, pensioni qesharak, goditjet dhe presioni i moralit të ri dhe liberal e transformojnë gjeneralin demodé dhe e detyrojnë të hyjë në rrjedhën e kohës, tashmë i ambalazhuar me koncepte të reja që i përshtaten më së miri ekonomisë së tregut.Nga kundërshtar i ashpër e kategorik i kësaj reviste, ai në fund të komedisë merr përsipër shpërndarjen e kësaj reviste. Në ekonominë e

Shfaqja e Kapexhiut ka rikthyer pothuajse të gjithë trupën e humorit të dikurshëm, si: Xhevair Zenelin, Muharrem Hoxhën, Suela Konjarin, Natasha Selën; në rol kryesor Bujar Asqeriun.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Eshtë ndarë nga jeta në moshën 75-vjeçare aktori korçar, Sotiraq Çili.

Në klubin e Kulturës dhe Artit “Sigal“ të qytetit të Durrësit është bërë promovimi i librit me tregime të Fatmir Mingulit “Shtëpia në rru

Medi Ramohito një prej ish- ushtarakëve të njohur në Durrës dhe më gjerë ka ardhur para publikut me dy përkthime të rëndësishme.

Vera e nxehtë ka zbritur në shesh këngëtarët më në zë të skenës vendase.

“Kuarteti për fundin e kohëve” ka shënuar edhe koncertin e fundit të edicionit të tetë të Bienales “Netët e muzikës klasike” në

Është mbyllur me sukses në Durrës Panairi Ndërkombëtar i Librit “Durrës Script”.

Pianisti spanjoll Daniel del Pino ishte protagonist i mbrëmjes së parafundit të Bienales 2017, që ka nisur më 1 gusht në qyteti

Ende nuk ka vendosur asgjë, por thjesht fakti që po e mendon seriozisht largimin nga Shqipëria është trishtues.

Bienalja 2017 është zhvendosur  mbrëmjen e kaluar në mjediset e Muzeut Arkeologjik të Durrësit.

*Liutieri Edmond Sinani leksion për krijimin e violinave në Durrës