Çmimi “Ambasador i Gjuhës Italiane në Shqipëri” këtë vit i është akorduar artistit nga Durrësi Helidon Xhixha. Njoftimi u bë nga Ambasada e Republikës Italiane në Tiranë ditën e djeshme në Twitter.
Sipas selisë diplomatike, ekspozita e tij “Drita, rilindja e Venezia-s” është e përbërë nga shtatë instalacione prej çeliku të paoksidueshëm, që luajnë me forma dhe reflekse duke krijuar një arkitekturë shpirtërore.
I lindur në dhjetor 1970 në Durrës, Xhixha kaloi fëmijërinë e tij në studion e artit të babait të tij piktor, Saliut, por Helidoni ishte veçanërisht i dhënë pas skulpturës.
Kush është Helidon Xhixha
Në vitin 1998, Xhixha mori një bursë nga Universiteti i Kingstonit në Londër, vitin tjetër ai u diplomua në Akademinë e Arteve të Bukura Brera në Milano. Artisti eksperimenton me materiale të ndryshme dhe teknika inovative për të krijuar vepra arti në qelq Murano-je [ose qelq venecian, qelq i përgatitur sipas teknologjive të vjetra, që kanë lindur në ishullin Muarno, në lagunën e Venecias] dhe skulptura në çelik inoks (i paoksidueshëm). Punimet e tij po fitojnë gjithnjë e më shumë sukses në botën e artit ndërkombëtar, duke tërhequr entuziastë dhe koleksionistë nga Italia, Gjermania, Franca, Anglia, Zvicra, Austria, Shtetet e Bashkuara dhe Emiratet e Bashkuara Arabe.
Punimet unike të Helidon Xhixhës janë bërë ikonike dhe shpesh kombinohen me mjedise tradicionale gjatë ekspozitave për të krijuar një efekt ndikimi.
Xhixha është ndër të paktët artistë që ë vëllimet midis parregullsive, sinusitetit dhe kontrastit të strukturës njëkohësisht përmbajnë dhe lëshojnë shkëlqim. Mjeshtri shqiptar me veprat e tij nxjerr në pah dy këndvështrime të besueshme, njëra sipas Henry Adams “kaosi shpesh gjeneron jetë, ku rendi shpesh gjeneron shprehinë” dhe tjetri nga Kark Kraus “kaosi është i pranishëm, sepse rendi nuk funksionoi ”.
Punimet e artistit Xhixha mund të japin një kontribut të çmuar në një përkufizim të mundshëm për të na ndihmuar të kërkojmë një zgjidhje brenda vetes sonë.
Motoja e Helidon Xhixhës:“Unë nuk gdhend materiale; përdor materiale për të gdhendur dritën.”
