Çelet ekspozita e artistëve të vegjël në Galerinë e Arteve në Durrës (VIDEO+FOTO)

28/02/2019 - 12:51

Në ambientet e Galerisë së Arteve Pamore në Durrës u çel mbrëmjen e së mërkurës një ekspozitë mjaft e veçantë me piktura dhe punime dore të realizuara nga fëmijët  e moshës 3 deri në 5 vjeç.

Në ekspozitën që u organizua nga platforma “Eduaktiv” në kuadër të projektit “Liberi” (mbështetur nga Lëviz Albania), morën pjesë rreth 100 prindër dhe fëmijë të ardhur nga 15 kopshte publike të Bashkisë Durrës. Secili kopsht u paraqit me disa punime, të cilat u ekspozuan në muret e Galerisë dhe tërhoqën vëmendjen e vizitorëve.

Fëmijët kishin shprehur gjithë fantazinë dhe talentin e tyre në ato piktura që përcillnin mesazhe dhe tematika nga më të ndryshme që nga ardhja e pranverës; e deri te dashuria për prindërit dhe familjen; por nuk mungonin as punimet e tjera ku vogëlushët kishin vizatuar flamurin kombëtar.

“Eduaktiv” vlerësoi me certifikatë secilin kopsht  për pjesëmarrjen në ekspozitë dhe prezantimin e punimeve artistike të vogëlushëve.

Nga ana e tyre, edhe vetë prindërit dhe edukatorët vlerësuan këtë organizim të ndërmarrë nga “Eduaktiv” ndërsa u shprehën se aktivitete të tilla kulturore dhe argëtuese duhet të organizohen më shpesh dhe të shtrihen në çdo kopësht ku fëmijët kalojnë pjesën më të madhe të ditës.

Platforma “Eduaktiv” është e zhvilluar nën kujdesin maksimal të komunitetit, duke ndërtuar profilet e institucioneve arsimore në bazë të informacioneve publike, të kudo ndodhura në mënyrë që ky informacion të merret më thjesht, të krahasohet, të vlerësohet nga komuniteti e më pas çdokush të dijë të bëjë zgjedhjen e duhur.

/portali DurresLajm/

Video: 
Na bëni like në facebook!: 

Lajme nga e njëjta kategori

Ditën e enjte, Dita Ndërkombëtare e Monumenteve në Amfiteatrin e Durrësit u celebrua me Ekspozitën “Shprehem me mozaik”, e cila ishte edh

Lidhja e Shkrimtarëve në bashkëpunim me Shoqatën e Arumunëve Tiranë, Fier dhe Durrës kanë organizuar paraditen e së premtes, në ambientet

Ish-mësuesja Dikter Mustafaraj ka ardhur para publikut me një libër kushtuar shkollës “Jan Kukuzeli” në 60 vjetorin e krijimit të kësaj s

Mbrëmja e së mërkurës që lam pas në “Soiree”, ka qenë e gjitha një puntatë dedikuar artistes së madhe dhe të merituar, Vaçe Zelës.

Mbrëmjen e së dielës u finalizua me sukses edicioni i tretë i konkursit të bukurisë “Miss dhe Mister Shijaku”.

Sektori Shkencor në Qendrën Kulturore të Fëmijëve Durrës, organizon sot fazën e dytë të olimpiadës së matematikës në shkallë rrethi në am