Durrës, ansambli “Albanian Brass” sjell muzikë shqiptare në Muzeun Arkeologjik

Postuar: 05/07/2017 - 14:23

Ansambli i instrumenteve të frymës “Albanian Brass” krijoi mbrëmjen e kaluar në Muzeun Arkeologjik të Durrësit një atmosferë të veçantë artistike. I ftuar në edicionin e 12-të të Festivalit ndërkombëtar të Muzikës së Dhomës grupi që drejtohet nga dirigjenti dhe trompisti Isak Shehu, solli fillimisht pjesë nga krijimtaria e kompozitorëve shqiptarë Kujtim Laro (1947-2004) e Limoz Dizdari, e më pas nga ai Italian Nino Rota (1911-1979).

Ansambli “Albanian Brass” është krijuar dy vjet më parë dhe ka në përbërje solistë dhe anëtarë të orkestrave të RTSH-së dhe të TOB-it.

Spektatorët e shumtë që mbushën sallën e eksponateve të muzeut ndoqën më pas një pjesë tradicionale amerikane dhe “Jericon” e Jonathan Harvey (1939-2012). Në pjesën e dytë grupi me 9 komponentë interpretoi tre këngë popullore shkodrane dhe vepra nga autorët shqiptarë Simon Gjoni (1925-1991) e Ramadan Sokoli (1920-2008).

Në kuadër të 90-vjetorit të lindjes së kompozitorit Çesk Zadeja (1927-1997) artistët kryeqytetas kishin zgjedhur nga veprat e autorit “Humoreska” dhe tema nga filmi “Skenderbeu”.

Edicioni XII i Festivalit Ndërkombëtar të Muzikës së Dhomës, (Chamber Fest Durrës), që organizohet nga violinistja e njohur durrsake Nevila Kalaja, ka nisur më 29 qershor dhe do të përfundojë më 14 korrik, pas 7 koncerteve të programuara.

G.K.

/portali DurresLajm/

Na bëni like në facebook!: 

Lajme nga e njëjta kategori

Drejtori i Teatrit Kombëtar Hervin Çuli ka sqaruar reagimin e tij ndaj artistit të njohur Mirush Kabashi, pas qëndrimit që ky i fundit sh

   Në qytetin e Durrësit është organizuar festivali “Pranvera poetike durrsake”.

Të bashkuar për një qëllim të vetëm, për t’iu ardhur në ndihmë sa më shumë fëmijëve në nevojë.

Aktori i njohur Laert Vasili në takimin me artistët teksa diskutohej fati i Teatrit Kombëtar zgjodhi të flasë me ironi dhe fjalë therëse.

Në sallën e Teatrit të Qendrës Kulturore të Fëmijeve në Durrës, është zhvilluar konkursi i zërave të rinj i titulluar "Unë Këndoj".

Këngëtarja shqiptare me famë ndërkombëtare, Rita Ora, dhuroi mbrëmjen e kaluar emocione të paharrueshme për mijëra shqiptarë, të cilët ki

Sikurse pritet prej kaq kohësh, Ermal Meta do të mbajë sot një koncert në sheshin “Skënderbej” në Tiranë të organizuar nga Bashkia e Tira