Durrës, ish-mësuesja Dikter Mustafaraj sjell në libër historikun e shkollës "Jan Kukuzeli" (VIDEO)

11/04/2019 - 17:15

Ish-mësuesja Dikter Mustafaraj ka ardhur para publikut me një libër kushtuar shkollës “Jan Kukuzeli” në 60 vjetorin e krijimit të kësaj shkolle arstistike.

Deri tani, për shkollën e kontributeve të mëdha “Jan Kukuzeli”, nga gjiri i së cilës dolën qindra  kuadro dhe artistë të mrekullueshëm që me talentin dhe vlerat e tyre njerëzore nderuan Shqipërinë, është folur fare pak. 

Dikter Mustafaraj, edhe pse në pension ka punuar me aq vullnet e dashuri për të mbledhur, sistemuar dhe evindentuar në këtë libër vlerat e spikatura të mësuesve dhe nxënësve të kësaj shkolle dhe sidomos të traditës që ajo krijoi, duke u rreshtuar në pararojën e arsimit shqiptar.

Pas një pune të madhe disa vjeçare autorja në promovimin e librit, shprehet se kjo nuk`duhet harruar, sidomos nga ata që vijnë pas nesh që të frymëzohen nga paraardhësit e tyre.

“Duke i bërë bashkë gjithë brezat, për më shumë se gjysmë shekulli, të duket sikur ata, jo vetëm i bashkon ky historik, i vllazëron, por dhe u kthen njëherazi emocionet e vjetra, kënaqësitë për sukseset e arritura, vështirësitë e kaluara etj.”

Në librin e Dikter Mustafarajt, po ashtu konstaton dhe vazhdimësinë e vlerave dhe virtyteve të fituara në atë shkollë gjatë jetës si kuadër, piktor, këngëtar, skulptor e instrumentist qoftë.

Jepen aty plot shembuj ndihme, përkrahje e solidariteti, pra bashkëpunimi i sinqertë mes mësuesve, nxënësve dhe mësuesve e vetë nxënësve, siç shihet te përfshirja në grupin e korit e drejtoreshës së shkollës etj.

Në historikun e shkruar rrjedhshëm nga kjo autore, del puna e gjithëanshme, deri edhe jashtëshkollore, nëpërmjet koncerteve, takimeve, garave, pjesëmarrjes në shfaqje të ndryshme, ngritjes profesionale të arsimtarëve, shkëmbimit të përvojës, bashkëpunimit me prindërit dhe veprimtari për nxitjen e dëshirës për lexime, ku vetë kjo mësuese e ka pasur në qendër të vëmendjes pasi ka drejtuar edhe bibliotekën e pasur të kësaj shkolle.

Promovimi i librit erdhi si një takim i bukur edhe i autores me ish-mësues e nxënës të organizuar nga Biblioteka e qytetit në hollin e teatrit “Aleksandër Moisiu”.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Gjovalin Lazri, mjeshtër i madh i violonçelit, është shuar ditën e sotme. Lazri është ndarë nga jeta në moshën 84-vjeçare. 

Një varrezë tumulare e periudhës së Bronzit të Vonë, rreth shek. XV-XII para Erës Sonë është zbuluar në Himarë.

Zyra Vendore Arsimore Durrës në bashkëpunim me Aleancën Franceze Durrës dhe Qendrën Kulturore të Fëmijëve kanë organizuar konkursin "Pran

Përditshmëria e saj është një frymëzim i madh për të.

Përmes një deklarate zyrtare të publikuar në faqen e Radio Televizionit Shqiptar, u njoftua se kanë nisur sot (1 korrik) përgatitjet për

Një grup artistësh durrsakë kanë hapur këto ditë një ekspozitë të përbashkët në galerinë e arteve pamore “Nikolet Vasia”.

Ndahet nga jeta "Mjeshtri i valles popullore", Besim Zekthi. Zekthi është ndarë sot nga jeta ditën e sotme, në moshën 84-vjeçare, pas një

Flamur Bala, është një djalë i ri nga Durrësi, që jeta e ka vënë përpara disa vështirësive të forta, por ai e ka gjetur dritën në shpirti

5000 bileta falas për të vizituar Amfiteatrin dhe Muzeun Arkeologjik u janë shpërndarë sot bizneseve të hoteleri-turizmit në Durrës.

Joel Schumacher, regjisori i dy filmave “Batman” dhe i filmit “Gjenerata e Humbur”, vdiq sot nga kanceri në moshën 80-vjeçare.