Durrës, kuarteti gjerman “Minguet” çel Festivalin e 14-të të muzikës së Dhomës

05/07/2019 - 08:55

Nga G. Kabashi

Kuarteti i harqeve nga Gjermania “Minguet” ka çelur mbrëmjen e kaluar në Durrës edicionin e 14-të të Festivalit ndërkombëtar të muzikës së dhomës.

Nevila Kalaja, drejtore artistike e Festivalit, duke përshëndetur të pranishmit që kishin mbushur sallën e Muzeut Arkeologjik prezantoi edhe programin e 6 koncerteve të tjerë, me instrumentistë nga vendi ynë, Maqedonia e Veriut, Spanja, Italia dhe Austria.

Kuarteti “Minguet” me një përvojë koncertore 30-vjeçare solli për dëgjuesit vepra të autorëve të muzikës klasike, si dhe asaj moderne të shekullit të kaluar.

Të pranishmit vlerësuan lojën e instrumentistëve Isfort, Reisinger, Sorin dhe Diener, të cilët kanë interpretuar së bashku në sallat më të rëndësishme të muzikës së dhomës nëpër botë.

Pjesët e zgjedhura nga Robert Shumann (1810-1856), Clara Shumann (1819-1896) dhe Johaness Brahms (1833-1897) tingëlluan si dëshmi e “gëzimit dhe ekspresionit me të cilin ansambli i bën veprat si gjallesa që flasin edhe në detajin më të vogël”.

Me të njejtën gjallëri erdhi te dëgjuesit edhe kuarteti i harqeve nr. 1 i Sofia Gubaidulinës, që u duartrokit së bashku me veprat që u interpretuan në koncertin që zgjati afro dy orë.

Festivali i 14-të i Muzikës së Dhomës do te vijojë të shtunën në mbrëmje me koncertin e Trios “Ad Libitum” nga Shqipëria.

/portali DurresLajm/

Na bëni like në facebook!: 

Lajme nga e njëjta kategori

Biblioteka publike e Durrësit organizoi këtë të hënë ekspozitën tematike “Lufta e Dytë Botërore në Shqipëri”, në kuadrin e 75-vjetorit të

Libri “Koha për politikë”, i ish-deputetes së PD-së, Grida Duma është një nga të shumtët që është prezantuar në panairin e librave dhe ka

Panairi i Librit 2019, një ndër aktivitet më të rëndësishëm të autorëve, botuesve, përkthyesve etj, me pjesëmarrje të 100 shtëpive botues

Çmimet e Panairit të Librit “Tirana 2019” u ndan sot në Pallatin e Kongreseve.

Pasditen e së enjtes u zhvillua në hotel “Arvi” një takim i Klubit Rotarian Durrës me piktorin e njohur shqiptaro-amerikan Dashamir Gurab

Prej 3 ditësh po mbahet edicioni i pestë i Festivalit të Këngëve Korale në Durrës, një festival i cili angazhon masivisht fëmijët e shkol

Rivendoset kapaku i ri prej xhami në pusin shekullor te sheshi “Liria” në Durrës.

“Krom dhe luledele” është një roman i cilësuar si himn për të rinjtë e pas viteve 1990.

Prej mëse një viti në protestë kundër shembjes së godinës së Teatrit Kombëtar, aktori i njohur Neritan Liçaj, shprehet besimplotë se godi

Jeta kulturore në Durrës nisi në muajin nëntor me një shfaqje që u prit mjaft mirë nga publiku, saqë do të vijë edhe këtë fundjavë për pu