Durrës, mbulohet mozaiku i Bazilikës së Shën Mëhillit (FOTO)

Postuar: 13/01/2018 - 09:31

Drejtoria Rajonale e Kulturës Kombëtare Durrës, zbatoi projektin për mbulimin e mozaikut të Bazilikës së Shën Mëhillit në Arapaj, të qytetit të Durrësit.

Mbulimi i mozaikut është kryer me konstruksion druri dhe tjegulla marsejeze, të cilat do të mbrojnë mozaikun ndaj reshjeve dhe kushteve atmosferike sipas projektit të miratuar në Këshillin Kombëtar të Restaurimeve.

Bazilika është monument kulture i kategorisë së parë shpallur me vendim nr. 8, datë 18.02.1987. Monumenti, datohet në shek. V Pas. Kr., rreth viteve 20 – 30 faza e parë e bazilikës. Faza e dytë përfshin shek. XII – XIV Pas. Kr., përcaktojnë shndërrimin e këtij ndërtimi njëherësh me kishën dhe varrezat.

I takon tipit të bazilikave tri konke dhe me transept, që zhvillohet sipas një plani gjatësor lindje perëndim (65 x 28 m) e përbër nga bema, naosi, atriumi dhe ambjentet anësore. Absida lindore karakterizohet nga diametri i saj 7 m, dhe me trashësi muri 1.5 m.

Dy absidat e tjera në anë nga veriu dhe jugu, janë më të vogla. Drejtoria Rajonale e Kulturës Kombëtare Durrës, bën me dije se në bemë përpara presbiterit, ruhen mbetjet e altarit. Bema si dhe altari kanë qenë të trajtuara me kolona, pilastra me harqe, mbeturinat e të cilave janë gjetur in situ. Naosi ndahet në tre nefe. Nefi qëndror ndahej prej nefeve anësor me arkada.

/portali DurresLajm/

Na bëni like në facebook!: 

Lajme nga e njëjta kategori

Me rastin e 3015-vjetorit të krijimit të qytetit të Durrësit, shoqata që mban emrin e qytetit tonë “Durrësi” ka zhvilluar një aktivitet s

Përgjatë tetë muajve të këti viti, Muzeu Arkeologjik dhe Amfiteatri është vizituar nga më shumë se 20 mijë persona, 12 mijë prej të cilëv

   Një aktivitet i madh kulturor u zhvillua mbrëmjen e së shtunës në sheshin "Liria" nga ana e Bashkisë së Durrësit në bashkëpunim me res

Pas një pune intensive për më shumë se 12 muaj, disa fëmijë të qytetit të Durrësit finalizuan me sukses çeljen e një ekspozite me punimet

Sinan Idrizi, administratori i klubit të futbollit Flamurtari, por edhe i kompanisë së fluturimeve “Air Albania”, në një intervistë për “

Skena e re e Amfiteatrit të Tiranës do të ndizet më fort se kurrë me fillimin e shtatorit.