Durrës, Nikolla Sudar sjell në shqip librin e Aleksandër Sollzhenjicin "Gusht 1914" (VIDEO)

Postuar: 27/07/2018 - 16:37

Në qytetin e Durrësit është promovuar libri i Aleksandër Sollzhenjicin "Gusht 1914". Pjesëmarrësit në këtë takim interesant kanë vënë në dukje vlerat e reja gjuhësore të sjella mjeshtërisht nga përkthyesi Nikolla Sudar.

Libri ka sjellë para lexuesit shqiptar periudhën e vështirë kur shteti rus ndodhej në buzë të greminës dhe kishin filluar rebelimet deri brenda në strukturat e forta të shtetit.

Nëpër faqet e këtij libri interesant të sjella me shije gjuhësore nga Sudari, del në pah fakti se si udha e fatit të shtetit rus të asaj periudhe ndodhej në fshat dhe se shteti i asaj periudhe nuk duhej ta fillonte kurimin e situatës së rënduar duke filluar nga shoqëria e lartë, e cila kishte degarduar dhe infektuar, ku nënpunësit ishin përfshirë në shërbime rutinë dhe çifligarët bënin jetë të shthurur në kurriz të fshatarëve bujkrobër.

Që shteti të kishte këmbë të forta, arrin në konkluzionin e tij autori Sollzhenjicin, shërimi duhej filluar nga këmbët, pra nga fshatarësija, pasi asnjë shërim i plotë nuk mund të kryhej veçse nëpërmjet fshatit. Shkrimtari i njohur rus, është fitues i çmimit "Nobel" për literature. Ai u bë i njohur në botë me librin "Arqipelagu Gulag" në të cilin tregon për jetën në kampet e punës së të burgosurve të sistemit Stalinist.

I përndjekur nga sistemi i ish-Bashkimit Sovjetik, ai ka jetuar një kohë të gjatë në SHBA, para se të kthehet në vendlindje. Është ndarë nga jeta në moshën 89-vjeçare.

Një nga përkthimet më të mira vjen në shqip nga shkrimtari dhe historiani Nikolla Sudar, i cili për shumë vite ka jetuar dhe kontribuar në zonën e Durrësit dhe të Shijakut ku dhe ka ideuar dhe drejtuar më pas edhe muzeun histrorik të këtij qyteti. Ai ka përkthyer 50 vepra të autoreve të ndryshëm që janë mirëpritur nga lexuesi.

/portali DurresLajm/

Video: 
Na bëni like në facebook!: 

Lajme nga e njëjta kategori

Me rastin e 3015-vjetorit të krijimit të qytetit të Durrësit, shoqata që mban emrin e qytetit tonë “Durrësi” ka zhvilluar një aktivitet s

Përgjatë tetë muajve të këti viti, Muzeu Arkeologjik dhe Amfiteatri është vizituar nga më shumë se 20 mijë persona, 12 mijë prej të cilëv

   Një aktivitet i madh kulturor u zhvillua mbrëmjen e së shtunës në sheshin "Liria" nga ana e Bashkisë së Durrësit në bashkëpunim me res

Pas një pune intensive për më shumë se 12 muaj, disa fëmijë të qytetit të Durrësit finalizuan me sukses çeljen e një ekspozite me punimet

Sinan Idrizi, administratori i klubit të futbollit Flamurtari, por edhe i kompanisë së fluturimeve “Air Albania”, në një intervistë për “

Skena e re e Amfiteatrit të Tiranës do të ndizet më fort se kurrë me fillimin e shtatorit.