Fëmijët e Durrësit surprizojnë me punimet e tyre artistike (VIDEO)

04/09/2018 - 14:56

Pas një pune intensive për më shumë se 12 muaj, disa fëmijë të qytetit të Durrësit finalizuan me sukses çeljen e një ekspozite me punimet e tyre vetjake. Të apasionuar pas pikturës me mjaft mjeshtëri ata kanë realizuar jo vetëm nga një punim, por disa individualisht, duke e shndërruar kështu galerinë e arteve “Nikolet Vasia” në qendër të qytetit në oazin e ngjyrave të shumta.

Falë mbështetjes së madhe si edhe kujdesit të ofruar nga mësuesja e tyre në fushën e artit vizual, Aseli Isteri, fëmijët e grupmoshave të ndryshme surprizuan të pranishmit në çeljen e kësaj ekspozite falë seriozitetit, përkushtimit si edhe pasionit jo më të fshehur tashmë.

Në çeljen e kësaj ekspozite nuk munguan artdashës në fusha të ndryshme si dhe miq të shumtë e bashkëmoshatarë të autorëve të ekspozitës. Kjo ekspozitë nuk kishte vetëm qëllimin e prezantimit të punimeve, por nëpërmjetë saj fëmijët e grupmoshës nga 6-15 vjeç të shijonin ndjesinë e një ekspozite kolektive, tha Aseli Asteri.

Teknikat e realizuara nga këta vogëlushë, por të mëdhenj në veprimtarinë e tyre, ishin nga më të shumtat. Punimet me laps ishin ato të cilat dominonin në të shumtën e rasteve, por edhe punimet në karbon apo akuarel, si edhe teknika mikse. Ekspozita do të qëndroje e hapur për artdashësit për më shumë se 7 ditë.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Në ditën kur teatri “Aleksandër Moisiu” i Durrësit feston 66-vjetorin e themelimit të tij, një nga regjisoret më të talentuara të tij, Dr

Me 12 nominime, filmi ”The Favourite” është si për ironi, favoriti në garën e sivjetshme të çmimeve “Bafta”.

Bashkia Durrës organizoi një koncert në datat 28 dhe 29 dhjetor me grupe muzikore që performuan në sheshin “Liria”.

Mbrëmjen e djeshme është organizuar në pallatin e kulturës "Aleksandër Moisiu" në Durrës koncerti artistik "Bujaria durrsake" me rastin e

Me rastin e Vitit të Ri, një koncert festiv do të mbahet në pallatin e kulturës “Aleksandër Moisiu” në Durrës.

“Të falem i bukuri Durrës” kjo këngë që ngre peshë jo vetëm zemrat e durrsakëve e kënduar nga Qemal Kërtusha ka mbetur kënga emb

Mësues, nxënës dhe intelektualë durrsakë u takuan të martën në mbrëmje në

Piktorja Shpresa Milaqi Bajko, është njohur tashmë në qytetin e Durresit dhe më gjerë për pikturat e bukura plot kolorit e dinamizëm që s