“Fest Loja”, Durrësi kthehet në kryeqytetin e fëmijëve të Ballkanit (VIDEO)

Postuar: 12/10/2017 - 16:55

 20 vjetori i festës më të madhe të fëmijëve që bëhen bashkë në Durrës, nga treva të ndryshme të Ballkanit e më gjerë, ka përkuar me 70 vjetorin e krijimit të Qendrës Kulturore të Fëmijëve të Durrësit.

“Fest Loja” ka startuar në sheshin “Liria” para bashkisë së qytetit, me një veprimtari masive të organizuar me pjesëmarrje të gjërë të qindra fëmijëve, jo vetem nga qytetet e Shqiperisë, por edhe nga Kosova, Maqedonia, Kroacia, Rumania, etj. Për here të parë, në këtë aktivitet u përfaqësua edhe Kirgistani.

Një program i larmishëm, që ka startuar në datën 11 dhe do të përfundojë në datën 15 tetor, 5 dite fëmijët do të shpalosin, jo vetem flamujt përfaqësues, por edhe  kulturën e vendeve përkatëse nëpëmjet këngëve, valleve, kostumografisë në konkursin  që zhvillohet në qytetin e Durrësit.

Ceremonia e hapjes së Festivalit, zhvilluar paraditen e sotme, ka gjallëruar atmosferën dhe ka tërhequr vëmëndjen e kalimtarëve të rastit, që kanë ndaluar për të shijuar dhe për të duartrokitur performancat e artistëve të vegjël.

Festivalin e deklaroi te hapur, shefi i kabinetit të Bashkisë, Lavdosh Beqiraj.

Avni Cuni drejtori i Qendrës kulturore të fëmijëve tha se "Qëllimi i këtij aktiviteti është promovimi dhe zbulimi i talenteve të rinj në një garë të bukur midis fëmijëve, të cilët thyejnë çdo barrierë të ndërtuar mes shtetve me dashurinë e tyre."

“Fest Loja” është  kthyer tashmë në një traditë, si një urë lidhëse midis kulturave të vendeve përfaqësuese.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Me rastin e 3015-vjetorit të krijimit të qytetit të Durrësit, shoqata që mban emrin e qytetit tonë “Durrësi” ka zhvilluar një aktivitet s

Përgjatë tetë muajve të këti viti, Muzeu Arkeologjik dhe Amfiteatri është vizituar nga më shumë se 20 mijë persona, 12 mijë prej të cilëv

   Një aktivitet i madh kulturor u zhvillua mbrëmjen e së shtunës në sheshin "Liria" nga ana e Bashkisë së Durrësit në bashkëpunim me res

Pas një pune intensive për më shumë se 12 muaj, disa fëmijë të qytetit të Durrësit finalizuan me sukses çeljen e një ekspozite me punimet

Sinan Idrizi, administratori i klubit të futbollit Flamurtari, por edhe i kompanisë së fluturimeve “Air Albania”, në një intervistë për “

Skena e re e Amfiteatrit të Tiranës do të ndizet më fort se kurrë me fillimin e shtatorit.