Grupe muzikore nga Ulqini, ofrojnë mbrëmje ulqinake për qytetarët e Durrësit

31/05/2019 - 10:35

Në një sallë të mbushur plot jo vetëm me banorë me origjinë nga Ulqini, por dhe qytetarë durrsakë, në sallën kryesore të pallatit “Aleksandër Moisiu” u organizua të enjten mbrëmja muzikore ulqinake.

Në një mbrëmje ndryshe, muzikantë, solistë e këngëtarë nga Ulqini krijuan një atmosferë plot gjallëri duke interpretuar këngë tradicionale të Ulqinit.

Për mëse 2 orë këngëtarë të dy grupeve muzikore, Burimi dhe “marinarët”, sollën një repertor të pasur të këngëvë popullore qytetare të Ulqinit.

Nën moderimin e aktores me origjinë ulqinake Aishe Starja, këngëtarët e mirënjohur ulqinakë sollën nga repertori i tyre 18 këngë që u shoqëruan me duartrokitje gjatë gjithë kohës.

Është për t’u theksuar se ulqinakët kanë tradita të lashta e vlera të gjithanshme jo vetëm si popull atdhedashës e patriot, ku gjuha shqipe dhe flamuri janë të shenjta, por ata kanë rol të veçantë në kultivimin e traditës së detarisë së popullit tonë. Janë me dhjetra detarë ulqinakë që ndihmuan në zhvillimin e detarisë në Shkodër, Durrës e krejt Shqipërinë. Jo më kot themi se nuk ka fund deti pa detarë ulqinakë.

Por, ulqinakët vërtet janë lundërtarë të zotë, por kanë shpirt artisti, ata dinë t’i këndojnë traditës, jetës, natyrës, marinarëve. Kënga dhe vallja për ulqinakët, janë tradita që trashëgohen brez pas brezi ashtu si profesioni i detarit. Janë një duet i pandarë për ulqinakët. Këtë e shohim më së miri në Durrës, ku ulqinakë të vjetër e të rinj, treguan se dairja, ky instrument aq popullor gjendej në çdo shtëpi ulqinake dhe nën tingujt e saj, shoqëroheshin këngët që përhapeshin e këndoheshin në çdo shtëpi. Fillimisht interpretuan solistët e grupit “Burimi”, këngët : Vijn' vaporat moj nano, një këngë e vjetër detarësh dhe pastaj “Shegë e amël, shegë e butë”.

Gjithmonë kanë thënë se Shkodra dhe Ulqini, janë si dy lagje të një qyteti. Janë shumë këngë të njëjta që interpretohen në Shkodër dhe Ulqin, kështu që grupi “Burimi” solli një kolazh me këngë shkodrane.

Më pas “grupi Marinarët” solli një sërë këngësh të vjetra ulqinake, si “O ti kisha krahët si pllumbi”, “O moj bukuroshe”, “Të djelën nadje”, etj. ndërsa këngët ia linin radhën njëra-tjetrës, publiku interpretoi disa prej tyre bashkë me grupin muzikor. Në repertor ishin futur dhe këngë të reja si “Ulqinake me ty kam merak”, me tekst të Zyhni Beqirajt, orkestruar nga Erion Sheqeri.

Repertori dhe tematika e pasur solli që koncerti të ndiqej me vëmendje nga pjesëmarrësit, duke e shoqëruar me duartrokitje të shumta gjatë gjithë kohës. Të dy grupet merituan falënderimet dhe mirënjohjen e qytetarëve durrsakë për nivelin dhe profesionalizmin e treguar në interpretimet e të gjithë këngëve. Plot ngrohtësi, kolor e dashuri. Aktivitete të tilla shtojnë lidhjet dhe miqësinë me vëllezërit tanë të një gjaku, ndaj pjesëmarrësit evidentuan rëndësinë dhe vijimësinë e tyre. Kjo u tregua dhe në fund të koncertit, ku pati përqafime, gëzim e shkëmbim kontaktesh për t’u takuar përsëri në Ulqin e Durrës. Një falenderim shkon për organizatorët e këtij aktiviteti mbresëlënës, që në prag të sezonit turistik, këto dy qytete, qendra të turizmit shqiptar, ofrojnë një mbrëmje ndryshe, për t’iu larguar politikës e halleve të përditshme.

Nga Shefqet Kërcelli

/portali DurresLajm/

Na bëni like në facebook!: 

Lajme nga e njëjta kategori

Autori Vaso Papaj ka prezantuar pasditen e djeshme vëllimin e tretë të titulluar “Gongël”, pjesë e triologjisë

Revista për letërsi dhe kulturë e Universitetit të Oklahomas ka njoftuar mbrëmjen e së mërkurës së shkrimtari shqiptar Ismail Kadare ka f

Violinistët Florian dhe Daniel Vlashi, babë e bir, kanë qenë përkrah njeri-tjetrit në të njejtin pult gjatë koncertit të fundit të Orkest

Ditën e sotme është ndarë çmimi më i madh i fushës së letërsisë, ai "Nobel", ku fitues janë shpallur një austriak dhe një polake.

Në teatrin “Aleksandër Moisiu” të Durrësit gjatë këtij muaji janë programuar disa shfaqje teatrale nga trupa dramatike e qytetit.

Këngëtari i njohur Zija Saraçi, një zë mjaft i dashur për shumë breza durrsakësh ka marrë një vendim drastik.

Amfiteatri antik i Durrësit mikpriti fundjavën e kaluar një ansambël artistik nga Suedia.

Të martën dhe të mërkurën, në teatrin “Aleksandër Moisiu” në Durrës vjen për publikun tragjedia “Salome”.

Dashamirës të letërsisë të pasionuar pas lojërave të fatit kudo në botë, gëzohuni!!

Pasditen e kësaj të shtune, një atmosferë ndryshe ju pret në Amfiteatrin e Durrësit.