Komedia "Revizori", sukses në Durrës (FOTO & VIDEO)

28/09/2019 - 10:07

Publiku durrsak e ka pritur me interes të veçantë premierën e komedisë “Revizori”, e cila mbrëmjes e së premtes, çeli sezonin artistik në Durrës. Komedia satirike erdhi nën regjinë e Driada Dervishit me një konceptim të ri, ku ndryshimet në tekst synonin ta përshtasnin veprën me aktualitetin shqiptar të muajve të fundit.  

Pas një periudhë të gjatë ndërprerjeje, teatri “Aleksandër Moisiu” hapi dyert për të pritur spektatorët, që në fund duartrokitën lojën e bukur të aktorëve dhe mesazhin që tentoi të përcjellë vepra tek publiku.

Salla duartrokiti gjatë aktorët dhe regjisoren për komedinë, e shkruar në vitin e largët 1836, por që me ndryshimet e bëra erdhi aktuale dhe tentoi t’i fliste çdo qytetari me gjuhën e artit.

Një revizor shkon për të inspektuar në një qytet me administratë të korruptuar, me funksionarë të lartë të dalë në përgjime, me njerëz të futur në burg pas protestave. Çfarë do të vërë re ai aty, si do të sillet administrata, çfarë do të ndodhë në fund? Me lojën e bukur aktoriale, satirën dhe të qeshurat që shkakton në sallë "Revizori" i Durrësit është një ftesë për publikun që të reagojë ndaj fenomeneve të shëmtuara të realitetit shqiptar, me të cilin përballemi çdo ditë. 

Komedia satirike “Revizori” do të vijë për publikun edhe gjatë së shtunës në orën 19.00 dhe të dielën në orën 20.00.

/portali DurresLajm/

Video: 
Na bëni like në facebook!: 

Lajme nga e njëjta kategori

Banda frymore e qytetit të Durrësit ka dhënë mbrëmjen e së premtes një koncert për artdashësit para Qendrës Kulturore “Aleksandër Moisiu”

Autori Vaso Papaj ka prezantuar pasditen e djeshme vëllimin e tretë të titulluar “Gongël”, pjesë e triologjisë

Revista për letërsi dhe kulturë e Universitetit të Oklahomas ka njoftuar mbrëmjen e së mërkurës së shkrimtari shqiptar Ismail Kadare ka f

Violinistët Florian dhe Daniel Vlashi, babë e bir, kanë qenë përkrah njeri-tjetrit në të njejtin pult gjatë koncertit të fundit të Orkest

Ditën e sotme është ndarë çmimi më i madh i fushës së letërsisë, ai "Nobel", ku fitues janë shpallur një austriak dhe një polake.

Në teatrin “Aleksandër Moisiu” të Durrësit gjatë këtij muaji janë programuar disa shfaqje teatrale nga trupa dramatike e qytetit.

Këngëtari i njohur Zija Saraçi, një zë mjaft i dashur për shumë breza durrsakësh ka marrë një vendim drastik.

Amfiteatri antik i Durrësit mikpriti fundjavën e kaluar një ansambël artistik nga Suedia.

Të martën dhe të mërkurën, në teatrin “Aleksandër Moisiu” në Durrës vjen për publikun tragjedia “Salome”.

Dashamirës të letërsisë të pasionuar pas lojërave të fatit kudo në botë, gëzohuni!!