Maturantja durrsake Laura Sulaj, dy koncerte pianistike në Spanjë

28/05/2019 - 12:23

Maturantja durrsake Laura Sulaj, fituese e Bienales NMK 2017, ishte këto ditë protagoniste e dy koncerteve në Spanjë.

Fituese e konkursit “Yjet e rinj”, që organizohet në kuadër të Bienales “Netët e Muzikës Klasike” çdo dy vjet në Durrës, njëlloj si edhe bashkënxënësit e saj fitues në vitet e kaluara, pianistja e re ishte ftuar nga bashkëshortët Rediana dhe Florian Vlashi, të cilët jetojnë dhe punojnë në Spanjë që nga viti 1992.

Laura Sulaj interpretoi solo në dy koncerte të organizuara në Akademinë Mbretërore dhe të nesërmen në Auditorin e Konservatorit Culluredo.

18-vjeçarja nga Durrësi mori vlerësimet më të mira nga dëgjuesit artistë të koncerteve të saj në Spanjë.

Artistja Soledad Penalta, anëtare e Akademisë Mbretërore të Arteve të Bukura La Coruña shkruan: “Koncert i mrekullueshem i Laura Sulaj. Faleminderit!”

Kritiku Julio Andrade Maltes nën titullin “Duke zbuluar të ardhmen” shkruan në gazetën “La opinion” të 26 majit: “Në qytetin tonë kemi pasur privilegjin të dëgjojmë fillimin e rrugës se pianistes shqiptare Laura Sulaj, çka tregon se mund të jetë e shkelqyer. Dhe sikur të ishte pak, artistja dukej e palodhur përballë një programi që të linte pa frymë. Si përfundim: kemi asistuar në parathënien e një të ardhmeje. Do të ishte një kënaqësi e madhe të dëgjonim përsëri Laura Sulaj pas disa vitesh duke vërtetuar këtë vizion parashikues”, përfundon Andrade.

Gjatë dy viteve të fundit pianistja Laura Sulaj ka patur një veprimtari të dendur solistike edhe në vende të tjera si Gjermani, Palma de Majorka, Francë, etj.

Repertori i saj është shume i gjerë duke filluar nga periudha baroke deri në atë kontemporane duke përmendur kompozitorë si: Bach, Hayden, Beethoven, Brahms, Chopin, Scriabin, Prokofiev, Rachmaninoff, Debussy, McDowell si dhe kompozitorë shqiptarë.

Nga Gëzim KABASHI

/portali DurresLajm/

Na bëni like në facebook!: 

Lajme nga e njëjta kategori

Artisti i madh durrsak, Haxhi Rama feston sot 77-vjetorin e lindjes.

Vazhdon puna për zbatimin e projektit për restaurimin e pjesëve të dëmtuara të murit të kalasë së Durrësit.

Aktorja e mirënjohur durrsake, Aishe Stari feston sot ditëlindjen e saj.

Artisja e njohur shkodrane Rita Ndoci cila jeton prej vitesh në emigracion, ka reaguar përmes një postimi në “Facebook” për shembjen e Te

Forumi për Mbrojtjen e Trashëgimisë Kulturore del në mbrojtje të Teatrit Kombëtar, duke u shprehur se mund të restaurohet me sukses.

Ka nisur puna për pastrimin e pjesëve të murit të Kalasë së Durrësit që u shemb nga tërmeti i 26 nëntorit.

Në vitin 2017, nga sheshi para portit të Durrësit u larguan shtatë skulptura parku, të cilat i hapën rrugë zbatimit të projektit që morri

Ashtu si çdo gjë po ndodh online kohët e fundit për shkak të koronavirusit, e njëjta ka ndodhur edhe me Eurovizionin.

Këshilli Kombëtar i Trashëgimisë Kulturore ka shpallur banesën e Maks Velos monument kulture.

Me ide kreative siç karakterizohet gjithnjë puna e saj, që përqafohen menjëherë nga publiku, regjisorja Driada Dervishi nuk qëndroi pushi