Motrat instrumentiste Kristani mbajnë koncert në Durrës

13/02/2020 - 11:30

Dy artiste të reja, nxënëse në shkollën artistike “Jan Kukuzeli” të Durrësit u prezantuan këto ditë para artdashësve në një koncert të përbashkët.

Motrat instrumentiste Eugenia dhe Alisa Kristani interpretuan në odeonin “Nikolin Xhoja” të qytetit bregdetar me një program të përgatitur me kujdes edhe nga pedagogët respektivë, Roland Xhoxhi  dhe Adriana Frashëri.

Pianistja Alisa Kristani, erdhi mjaft e sigurtë në Suitën Prelud nga kompozitori fracez Claude Debussy (1862 – 1918). Nxënësja maturante, që ka një teknikë mjaft të mirë interpretimi fitoi duartrokitjet e të pranishmëve, të cilët vlerësuan edhe muzikalitetin e lojës së saj në piano.

Eugenia Kristani, megjithëse vetëm 13 vjeç, kishte zgjedhur dy vepra të vështira nga literatura e kompozitorit belg Charles Auguste de Beriot (1802 – 1870).  Nxënësja e klasës së shtatë, e shoqëruar në piano nga mësuesja Kamela Hoxholli i mati fillimisht forcat me koncertin nr 9, op. 104, si dhe pjesë nga skena e baletit op 100 .  Eugenia Kristani shpalosi talentin e saj, si dhe pasionin për të ardhmen në instrumentin e violinës, duke fituar edhe vlerësimin e publikut të pranishëm.

Shkolla artistike “Jan Kukuzeli” në Durrës njihet në shkallë vendi për cilësinë e artistëve që janë përgatitur në bankat e saj që prej 60 vitesh.

G.K.

/portali DurresLajm/

Na bëni like në facebook!: 

Lajme nga e njëjta kategori

20 nxënës të degës së kitarës do të luajnë nesër pjesë të ndryshme të muzikës klasike, baroke, romantike, kontemporane në pallatin e kult

Këtë të diel më 23 shkurt, ora 18:00, te pallati i sportit “Ramazan Njala” do të mbahet eventi i “Miss & Mister Durrësi 2020”, një sp

Në Festivalin Ndërkombëtar të Filmit në Londër, regjisori shqiptar Pluton Vasi, ka fituar çmimin si “Regjisori më i mirë”.

Shumë simbole në gjithë botën flasin për dashurinë, por në Jug të Shqipërisë një qytet antik është “Qytet i Dashurisë”.

Aktori Xhevdet Ferri dhe regjisori Artan Minarolli janë përkujtuar në një mbrëmje homazh në Durrës në teatrin “Aleksandër Moisiu”, ku u s

Gazetari i njohur nga Durrësi, Thanas Mustaqi, “shigjetoi”, pasditen e sotme Ministrinë e Kulturës për harresën (me apo pa dashje) për ve

Gazetari i njohur Thanas Mustaqi, me anë të një postimi në Facebook, ka reaguar për atë që ai e konsideron si shpërfillje të Durrësit nga

Europe House në bashkëpunim me Bashkinë Durres- këndin e BE-së, organizon shfaqjen e filmit "DELEGACIONI" në pallatin e kulturës “Aleksan