Objekti arkeologjik me cilësi të veçanta që ndodhet në Muzeun e Durrësit

01/05/2020 - 14:09

Qendra Muzeore Durrës ka publikuar në Facebook elementet e një tempulli të periudhës arkaike, me cilësi mjaft të veçanta që ndodhet në Muzeun Arkeologjik.

Bëhet fjalë për kokë sfinksi (Sfinks- krijesë mitologjike me kokë gruaje dhe trup luani), një objket i rëndësishem arkeologjik, i cili është zbuluar pranë varrezave të sotme të qytetit në vitet '80.

POSTIMI I PLOTË

A e dini se në Muzeun Arkeologjik të Durrësit ndodhen elemente të një tempulli të periudhës arkaike, me cilësi mjaft të veçanta? Me njërin prej tyre po ju njohim sot:

Kokë sfinksi (Sfinks- krijesë mitologjike me kokë gruaje dhe trup luani)

Ky objekt i rëndësishem arkeologjik është zbuluar pranë varrezave të sotme të qytetit në vitet 80 , rrëzë nje kodre dhe në të njëjtin vend janë, gjetur dhe tre koka luani prej terrakote, disa fragmente terrakote të pikturuar me motive të meandrit, fragmente akroteresh në formë palmetash, tjegulla solene e kaliptere etj.

Këto janë elemente prej terrakotë të një tempulli të periudhës arkaike në Dyrrah, i cili daton në cerekun e parë të shek VI p.e.s

Koka është ajo e një vajze të re, të stilizuar sipas mënyrës arkaike me përmasa: lartësi 36 cm dhe gjerësi 24 cm, ku janë ruajtur gjurmë të dukshme të pikturimit të saj, duke na njohur me një zhvillim të lartë të artit arkaik, të aplikuar në arkitekturen e kohës .

Në fytyrën e vajzës vihet re qartë një shprehje enigmatike me një buzëqeshje karakteristike e njohur si “buzëqeshja arkaike”.

Dallohen sytë e mëdhenj në formë bajameje, hunda e gjatë dhe e drejtë, e vetullat të ngritura lart. Gjithashtu duken flokët e stilizuar si paruke , dhe mbi kokë ka një lloj kurore me motivin e meandrit të pikturuar .

Nje kokë sfinksi, akroter e stilit korintik e ngjashme prej terrakote ndodhet ne Muzeun e Luvrit në Paris.

/portali DurresLajm/

Na bëni like në facebook!: 

Lajme nga e njëjta kategori

Forumi për Mbrojtjen e Trashëgimisë Kulturore, bën një denoncim publik mbi restaurimin e kalave të dëmtuara nga tërmeti i 26 nëntorit nga

Ndërron jetë në moshën 69-vjeçare këngëtari i njohur dibran, Qerim Sula.

Artisti i madh durrsak, Haxhi Rama feston sot 77-vjetorin e lindjes.

Vazhdon puna për zbatimin e projektit për restaurimin e pjesëve të dëmtuara të murit të kalasë së Durrësit.

Aktorja e mirënjohur durrsake, Aishe Stari feston sot ditëlindjen e saj.

Artisja e njohur shkodrane Rita Ndoci cila jeton prej vitesh në emigracion, ka reaguar përmes një postimi në “Facebook” për shembjen e Te

Forumi për Mbrojtjen e Trashëgimisë Kulturore del në mbrojtje të Teatrit Kombëtar, duke u shprehur se mund të restaurohet me sukses.

Ka nisur puna për pastrimin e pjesëve të murit të Kalasë së Durrësit që u shemb nga tërmeti i 26 nëntorit.

Në vitin 2017, nga sheshi para portit të Durrësit u larguan shtatë skulptura parku, të cilat i hapën rrugë zbatimit të projektit që morri

Ashtu si çdo gjë po ndodh online kohët e fundit për shkak të koronavirusit, e njëjta ka ndodhur edhe me Eurovizionin.