Orkestra e teatrit të Durrësit sjell për artdashësit muzikë latino-amerikane

29/05/2019 - 15:14

Salla e teatrit “Aleksandër Moisiu” të Durrësit mbrëmjen e kaluar ishte mbushur me artdashës të ftuar për të ndjekur një koncert me muzikë të përzgjedhur nga dy Amerikat. Për të tretën herë në pak vite orkestra e dirigjentit Petrika Afezolli sjell një program të veçantë për dëgjuesit durrsakë.

Me orkestrim të violonçelistit Moni Kuriçi, formacioni i harqeve "Aleksandër Moisiu" drejtuar nga Afezolli intepretoi një buqetë me vepra të shkurtëra, kryesisht muzikë tradicionale apo të autorëve të njohur nga Amerika Latine dhe Amerika e Veriut.

Fagotisti i orkestrës sinfonike të RTSH, Pirro Sota provoi mbrëmjen e kaluar forcat me saksofonin, duke sjellë me shumë sukses muzikë të zgjedhur, që u përmbyll me “Besame mucho” (Puthmë shumë), shkruar në vitin 1940 nga kompozitori meksikan Consuelo Velasques.

Koncerti morri një ngjyrë të këndshme edhe falë shoqërimit në tastierë dhe harmonikë nga Andi Trungu, veçanërisht në “Adios Nonino” nga Astor Piazzolla (1959).

Orkestra që përbëhet kryesisht nga instrumentistë, mësues të shkollës “Jan Kukuzeli”, tingëlloi natyrshëm përballë partiturave me muzikë mjaft të njohur për dëgjuesit, një provë tjetër e interpretimit dinjitoz të formacionit durrsak.

G.K.

/portali DurresLajm/

Na bëni like në facebook!: 

Lajme nga e njëjta kategori

Nën tingujt e këngëve franceze, mbrëmjen e 23 qershorit është zhvilluar koncerti "Festa e Muzikës" në Durrës.

Regjisori italian Franco Zeffirelli është ndarë nga jeta në moshën 96 vjeçare.

Hapësira nënujore e bregdetit shqiptar ka një trashëgimi kulturore nënujore shumë të pasur, e cila nëse do të dokumentohej, certifikohej

Violinisti i madh durrsak Florian Vlashi njofton në faqen e vet në FB se, së bashku me kompozitorin e shquar durrsak Haig Zacharian, do t

Qemal Vrioni është një figurë interesante intelektuale e Durrësit.

Një thesar me monedha argjendi i zbuluar në Durrës [në vitin 2006?].

Durrsaku Loer Kume është shpallur fituesi i madh i “Çmimit Kadare” për vitin 2019.

*Pas 18 vitesh punë, duke inventarizuar dhe restauruar mbi 6 ton terakota, monedha dhe enë qeramike të zbuluara në Durrës në

Mjeshtri i madh i skenës, një prej themeluesve të teatrit “Aleksandër Moisiu”, Lutfi Hoxha, ka mbushur 85 vjeç.