Prof. Stamati: E gjetur në Durrës, kjo vazo qelqi, më e bukura e zbuluar në Shqipëri

31/05/2019 - 18:19

Restauruesi i njohur shqiptar, me reputacion ndërkombëtar, prof. Frederik Stamati ka postuar një status të bujshëm në faqen e tij në Facebook, më 31 maj 2019. Profesori kumton për një vazo prej qelqi, më e bukura e zbuluar në Shqipëri. Është gjetur në Durrës, e thyer në 151 copë.

Fotoja e dytë e tregon se si është gjetur, ndërsa e para pas restaurimit. Analizat e ndryshme treguan se është e shekullit XVI, e prodhuar në Murano. Restaurimi i saj mori 15 muaj (dhe shpirti im e di, por do ta botoj në ndonjë shkrim në gazetë) dhe u bë në ish-laboratorin e konservimit dhe arkeometrisë të ish-Institutit të Kulturës Popullore. Ka qenë ena prej qelqi, më e vështira që është restauruar në vendin tonë. Por prof. Stamati nuk bën datimin e restaurimit, duke shpresuar për këtë gjë në ndonjë artikull në gazetë. 

Studiuesi në Akademinë e Studimeve Albanologjike shkruan se para restaurimit, për të kuptuar situatën dhe se çfarë duhej bërë, është analizuar me SXRF, (Spektroskopia e Fluoreshencës së Rrezeve X) në Institutin e Fizikës Bërthamore të Zbatuar në Tiranë, me SEM (Scanning Electron Microscopy) në Universitetin e Selanikut, me PIGE (Particle Induced Gamma-rey Emission), në Universitetin e Ljubljanës dhe MO (Mikroskopi Optike) në laboratorin shqiptar.

Th.M.

/portali DurresLajm/

Na bëni like në facebook!: 

Lajme nga e njëjta kategori

Regjisori italian Franco Zeffirelli është ndarë nga jeta në moshën 96 vjeçare.

Hapësira nënujore e bregdetit shqiptar ka një trashëgimi kulturore nënujore shumë të pasur, e cila nëse do të dokumentohej, certifikohej

Violinisti i madh durrsak Florian Vlashi njofton në faqen e vet në FB se, së bashku me kompozitorin e shquar durrsak Haig Zacharian, do t

Qemal Vrioni është një figurë interesante intelektuale e Durrësit.

Një thesar me monedha argjendi i zbuluar në Durrës [në vitin 2006?].

Durrsaku Loer Kume është shpallur fituesi i madh i “Çmimit Kadare” për vitin 2019.

*Pas 18 vitesh punë, duke inventarizuar dhe restauruar mbi 6 ton terakota, monedha dhe enë qeramike të zbuluara në Durrës në

Mjeshtri i madh i skenës, një prej themeluesve të teatrit “Aleksandër Moisiu”, Lutfi Hoxha, ka mbushur 85 vjeç.

Në një sallë të mbushur plot jo vetëm me banorë me origjinë nga Ulqini, por dhe qytetarë durrsakë, në sallën kryesore të pallatit “Aleksa