Romanet “Secili çmendet sipas mënyrës së vet” sjellin shkrimtarin Stefan Çapaliku

16/05/2018 - 17:42

   Klubi i Artit dhe Kulturës Sigal në Durrës javën e kaluar mikpriti shkrimtarin Stefan Çapaliku, i cili prezantoi dy vëllimet e parë të ciklit romanesk “Secili çmendet sipas mënyrës së vet”, publikuar nga Botimet Fishta.

I konceptuar në formën e një bashkëbisedimi me gazetarin Gëzim Kabashi, takimi tërhoqi interesimin e dhjetra artdashësve dhe intelektualëve nga qyteti bregdetar.

Çapaliku, i njohur më së shumti si dramaturg dhe regjisor, ka hedhur në këtë vepër kujtimet dhe përshtypjet e fëmijërisë dhe rinisë nga qyteti i lindjes, Shkodra.

I ndihmuar edhe nga fotot e viteve 1970-1980, kur zhvillohen ngjarjet e librit, si dhe nga pyetjet ngacmuese te gazetarit Kabashi, shkrimtari, i është rikthyer edhe disa prej personazheve që ai vizaton në roman, rreth 130 të tillë.

“Janë njerëz me histori të jashtëzakonshme, të cilat nuk mund të mos i shkruaja"- tha Çapaliku duke iu referuar bashkëqytetarëve të tij.

Për më shumë se një orë, dy bashkëbiseduesit mbajtën të ndezur interesimin dhe vemendjen e dëgjuesve, të cilët në fund e duartrokitën gjatë autorin Stefan Çapaliku.

/portali DurresLajm/

Na bëni like në facebook!: 

Lajme nga e njëjta kategori

Nuk është hera e parë që ndodhin gabime në numërimin e votave në Eurovision. Edhe këtë vit, kështu ka ndodhur.

Nxënsit e shkollave 9-vjeçare të qytetit të Durrësit kanë arritur një tjetër sukses në Olimpiadën e 24 të Matematikës që u zhvillua këtë

*30 vjet më parë: Formacioni i harqeve "Jan Kukuzeli" prezantohej me "Stinët" e Vivaldit

Trajnimi “Teknikat tradicionale në ndërtim” vjen tashmë edhe në Durrës!

Holanda fitoi festivalin Eurovision 2019, ndërsa Shqipëria u rendit në vendin e 18-të.

Këngëtarja shqiptare, Jonida Maliqi ka performuar e dyta këtë të shtunë në natën finale të Eurovision.

Jonida Maliqi ka përfunduar me sukses performancën në Tel Aviv dhe është kualifikuar në finalen e Eurovision 2019.

Këngëtarja Jonida Maliqi rrëqethi të gjithë skenën e Tel Aviv me performancën e saj.