Veprat e tetë kompozitorëve durrsakë, premierë botërore në Bienalen 2019

03/08/2019 - 13:29

Orkestra e Bienales “Netët e Muzikës Klasike” ka luajtur mbrëmjen e kaluar për herë të parë në publik veprat e tetë autorëve durrsakë dhe jo vetëm.

Para fillimit të koncertit në një ceremoni simbolike u shpall fituesja e Konkursit të Talenteve të rinj, i cili u zhvillua të premten paradite. Pianistja 13-vje[are Klaudia Gjini, do të jetë mysafire e bashkëshortëve Rediana dhe Florian Vlashi në Spanjë, të cilët do të mundësojnë interpretimin si soliste me një orkestër spanjolle.

Nata kushtuar muzikës shqiptare, e dyta në edicionin e nëntë të Bienales, solli për dëgjuesit tetë autorë të moshave dhe përvojave të ndryshme, një pjesë e të cilëve nuk jetojnë në Shqipëri.

Dirigjenti Petrika Afezolli tha për spektatorët se veprat janë porositur nga organizatorët e Bienales si  dëshmi e krijimtarisë së begatë të autorëve vendas.

Më pas orkestra e Bienales nën drejtimin e Afezollit interpretoi pjesët “Fluturim” nga Andi Bajraktari, “Humoreska” nnga Ylli Ramziti dhe “Balladë për qytetin tim” nga Maksim Shehu. Kompozitori Red Radoja interpretoi në piano veprën e tij “Për gjah me dukën e Lorenës”.

“My beautiful Morea” nga Thoma Simaku, “For little Lira” e Endri Sinës, Vals” nga Haig Zacharian dhe “Meditim e scherzo” nga Edmond Buharaja bënin pjesë në grupin e dytë të veprave të kompozuara nga autorë durrsakë dhe kryeqytetas, që u mirëpritën nga publiku i pranishëm në sallën e hotel “Adriatikut” ku po zhvillohet ky edicion i veprimtarisë.

Pas koncertit presidenti i organizatës së somelierëve shqiptarë Dashamir Elezi prezantoi verërat e radhës si temë e Bienales “Muzika dhe Vena, një harmoni e përkyer”. Të pranishmit shijuan verën “Shesh i bardhë” nga kantinat e kodrave pranë Durrësit, “Pamid” nga zona e Pogradecit, si dhe verën “Kallmet” nga veriperëndimi i Shqipërisë.

Nga Gëzim Kabashi

/portali DurresLajm/

Na bëni like në facebook!: 

Lajme nga e njëjta kategori

Vazhdon puna për zbatimin e projektit për restaurimin e pjesëve të dëmtuara të murit të kalasë së Durrësit.

Aktorja e mirënjohur durrsake, Aishe Stari feston sot ditëlindjen e saj.

Artisja e njohur shkodrane Rita Ndoci cila jeton prej vitesh në emigracion, ka reaguar përmes një postimi në “Facebook” për shembjen e Te

Forumi për Mbrojtjen e Trashëgimisë Kulturore del në mbrojtje të Teatrit Kombëtar, duke u shprehur se mund të restaurohet me sukses.

Ka nisur puna për pastrimin e pjesëve të murit të Kalasë së Durrësit që u shemb nga tërmeti i 26 nëntorit.

Në vitin 2017, nga sheshi para portit të Durrësit u larguan shtatë skulptura parku, të cilat i hapën rrugë zbatimit të projektit që morri

Ashtu si çdo gjë po ndodh online kohët e fundit për shkak të koronavirusit, e njëjta ka ndodhur edhe me Eurovizionin.

Këshilli Kombëtar i Trashëgimisë Kulturore ka shpallur banesën e Maks Velos monument kulture.

Me ide kreative siç karakterizohet gjithnjë puna e saj, që përqafohen menjëherë nga publiku, regjisorja Driada Dervishi nuk qëndroi pushi

Aktorja e trupës së teatrit të Durrësit, Sanie Hoti feston sot 65-vjetorin e lindjes.