Armina Mevlani: Jeta ime në kështjella dhe hotele luksoze, ja kur do bëjmë dasmë me Shkëlzenin

02/06/2018 - 16:11

Pak javë më parë, blogerja Armina Mevlani e nisi sezonin veror me një set fotosh me bikini në bregdet, ku ekspozonte linjat e saj super në formë. Në fotot e shkrepura në brigjet shqiptare, Armina shkruante: “Një projekt i ri. Së shpejti!”.

Ish-miss Albania i ka realizuar fotot e reja me fotografin Endrit Mertiri. Së fundmi është komentuar edhe për planet për martesë me partnerin e saj prej gjashtë vitesh, Shkëlzen Berishën. Shkak për këtë u bë komenti i blogeres së njohur shqiptare, për look-n e Meghan Markle në dasmën mbretërore me princin Harry.

Ndërkohë, sa i takon karrierës profesionale, ajo po shijon suksesin e radhës, pasi, së fundmi, është përzgjedhur si ambasadore e “Moet & Chandon”. Armina e dha vetë lajmin, ndërsa u shpreh: “Ndaj me ju lajmin e lumtur. ‘Moet Society’ më ka përzgjedhur si një ndër blogeret përfaqësuese të saj. Kjo pije e mrekullueshme më ka shoqëruar në evente shumë të lumtura, ashtu sikurse edhe sot e siç do vazhdojë të më shoqërojë gjithmonë. Rrugëtimi im fillon në fund të muajit maj në udhëtimin e parë, për t’u pësuar me udhëtime të tjera përgjatë vitit. Kjo pije do të më çojë në eksplorimin e vendeve dhe eventeve shumë të bukura, të cilat unë do t’i ndaj me ju shumë shpejt!”, shkruante Armina.

Nuk ka vonuar që gjithçka të bëhet realitet shumë shpejt, me ndalesën e saj në Francë. Blogerja shqiptare si ambasadore e firmës, ndodhet në Paris në disa prej festave më të rëndësishme. Për “Panorama Plus” Armina rrëfen këtë aventurë të re të klasit të lartë, jashtë kufijve të Shqipërisë, darkat private që po shijon pa praninë e Shkëlzenit, si ndikojnë këto udhëtime në lidhjen e saj, planet për dasmën dhe ku i gjen paratë që shpenzon në udhëtimet luksoze që bën:

Kemi parë disa postime të tuat nga Parisi, për çfarë projekti ndodhesh aty?

Po, ndodhem në Paris tani në evente shumë të rëndësishme të organizuara nga “Moet”. Si ambasadore, kam ndjekur nga afër ndeshjet më të rëndësishme të tenisit të Roland Garros (në të cilat është fat të jesh), kam qenë në restorantet me yje të Parisit, darka private me yje, Michelin e “Moet”-it në kështjellë, etj..

Të shoqëron partneri, Shkëlzen Berisha, në këtë udhëtim në qytetin e dashurisë?

Jo, sepse jemi një grup vajzash blogere dhe grupi i “Moet”-it.

Nga ana tjetër, je duke shijuar një histori dashurie prej gjashtë vitesh me djalin e ish-Kryeministrit Sali Berisha, me të cilin bashkëjetoni. Kjo jeta luksoze që bën si blogere, ta shton dëshirën për t’iu rikthyer beqarisë?

Jo, fare. Jam shumë e lumtur në çift me Zenin. Ku ka gjë më të bukur se të jesh me dikë që do dhe të mbështet apo e mbështet!

Nisur nga postimet në “Instagram”, një komentues shkruante: “Kapardisu me lekët e popullit se herët a vonë Zoti nuk harron!”. Si do i përgjigjeshe?

Përgjigjja ime, si për të dhe për të tjerët, është se të them të drejtën, i gjithë eventi ka qenë i organizuar nga “Moet & Chandon” dhe meqë nuk e kuptojnë, mund t’ua sqaroj që puna ime është e lidhur pikërisht me këtë gjë, reklamimin e brandeve. Dhe ashtu si darkat, ky udhëtim e shumë të tjerë organizohet nga vetë firmat dhe financohen nga vetë ata.

Meqë keni gati 6 vjet bashkë me Shkëlzenin, kur planifikoni të ngjiteni në altar, pra, të bëhesh zyrtarisht nuse në familjen e ish-Kryeministrit Sali Berisha?

Dasmën tonë mund ta organizojmë pas dy vjetësh, sepse s’kam vendosur asgjë realisht ende.

/PANORAMA PLUS/

/portali DurresLajm/

Na bëni like në facebook!: 

Lajme nga e njëjta kategori

Ëndrra e çdo femre është që të duket e re në çdo moshë, por një nënë e tre fëmijëve duket se e ka realizuar këtë dëshirë.

Një aksidenti i pazakontë është regjistruar të enjten rreth orës 18:30 në fshatin e vogël të Gütersloh në Gjermaninë Perëndimore.

Aurenc Bebja/ Publikohet letra e lamtumires se Princ Vidit drejtuar shqitareve para se ai të largohej nga porti i Durrësit.

Kryeministri Edi Rama ishte sot i ftuar në “Zonë e Lirë”.

Në fillim-vitet ’90, kompania SOE paraqiti planin ambicioz për ndërtimin e kompleksit “Dionisos”, në Sitia, Kretë.

Në shekullin e 16-të, njerëzit besonin se një enë gjaku në gishtin e katërt të dorës së majtë shkonte drejtpërdrejt në zemër.

Një klub austriak ka ngritur një debat të ashpër në vend pasi i ka ofruar tifozëve kuponë për të hyrë në një shtëpi publike.

Kurorëzimi i një historie dashurie nuk është fundi i lumtur, por një fillim i ri, i cili ndonjëherë mund të jetë i mundimshëm dhe i vësht

Presidenti turk Rexhep Tayyip Erdogan u shfaq në momente tepër të vështira gjatë takimit me homologun moldav, Igor Dodon.

Ambicia është karakteristikë që nuk e kanë të gjitha shenjat e horoskopit.