Qendra edukative sportive dhe kulturore “Juvenilia” në Durrës, nga e hëna më 25 maj 2020 rifillon aktivitetet sportive në ambiente të hapura, në të cilat bën pjesë edhe futbolli.
Natyrisht rihapja kryhet nën respektimin e protokolleve të rrepta të sigurisë, bazuar në vendimin e publikuar nga ana e ekspertëve të Ministrisë së Shëndetësisë dhe Mbrojtjes Sociale.
Rregullat e reja për rifillimin e aktiviteteve janë si më poshtë:
- Stafi i shoqatës do të masë temperaturën me termometër dixhital,
- Duhet të evitohen kontaktet fizike (shtrëngim duarsh, përqafime) edhe pse në një sport si futbolli duket masa më e vështirë për t’u respektuar, por është BAZA mbi të cilat do të nisë fillimi i ri,
- Çdo fëmijë duhet të sjellë në çdo stërvitje kit-in e tij personal (peshqir, shishe uji etj), maskë dhe dezinfektant.
Presidenti i shoqatës “JUVENILIA 2014”, Francesco Vitobello, njofton se për aktivitetet e tjera sportive si basketbolli, volejbolli, multisport etj, mbeten në pritje të komunikimeve të reja nga ana e Ministrisë së Shëndetësisë dhe Mbrojtjes Sociale për rihapjen e palestrave.
Vitobello thotë se duhet të presim javën e parë të qershorit, që të publikohet edhe protokolli përkatës shëndetësor për zbatim.
Qendra edukative sportive dhe kulturore “Juvenilia” në Durrës, promovon sporte për fëmijët dhe të rinjtë për shëndetin e tyre fizik, mendor dhe social.
Promovon sporte për:
- Parandalimin e mbipeshës dhe obezitetit
- Parandalim e varësisë nga videogame dhe interneti
- Parandalim e sjelljes joaktive (sedentare).
- Shëndetin fizik, mendor, social.
- Garanton staf profesional dhe të trajnuar
- Garanton ambiente të sigurta dhe të pastra.