"Tekat" e çuditshme të futbollistëve të mëdhenj për një jetë hollivudiane

08/11/2018 - 13:13

Futbollistë, por me jetën e një divi të Hollivudit. Vila, avionë privatë madje edhe… traktorë. Por jo gjithmonë klubet janë të gatshëm për t’ua plotësuar “tekat”. Le të njihemi me disa nga kërkesat më të çuditshme të futbollistëve të njohur.

Kylian Mbappe: Talenti francez, i cili është një nga kandidatët kryesorë për të fituar “Topin e Artë”, sikurse ka zbuluar “Marca”, pati kërkesa të veçanta para se të hidhte firmën me PSG. “Tekat” e tij, në fakt, u konsideruan te tepruara nga klubi parisien. Mbappe kishte kërkuar një pagë të barabartë me atë të Neymarit, një avion privat dhe një kryeshërbëtor. Bisedimet u mbyllen me një premio 500 mijë euro në rast se do të fitojë “Topin e Artë” dhe me 30 mijë euro në muaj për të paguar një truprojë, një shofer privat dhe një kryeshërbëtor. Pretendime të çmendura? Francezi është në shoqëri të mirë…

Ronaldinho: Braziliani është i njohur për “dhuntitë” e tij brenda dhe jashtë fushës së blertë. Kur u zhvendos në Meksikë, për të mbyllur karrierën te Queretaro, kishte kërkesat e tij për të hedhur të zezën mbi të bardhë: një vilë hollivudiane me pishinë, me një fushë për futbollin në rërë, një tjetër të zakonshme futbolli dhe 4 kryeshërbëtorë. Se për çfarë i nevojiteshin 4?! Boh…

Gervinho: “Shiqegjetës” së Parmës ia kanë krehur shumë bishtin gjatë eksperiencës kineze. Pas la Romën, sulmuesi nga Bregu i Fildishtë mësohet se ka patur disa prioritet në kërkesat e tij. Klubi ka pranuar t’i paguajë biletat e udhëtimit për në vendlindje, por jo sa herë dëshironte lojtari. Dakort edhe për vilën për familjen e tij, por kërkesa për një plazh privat u konsiderua e ekzagjeruar.

Maradona: Diego Maradona nuk mund t’i mungonte kësaj liste. “Pibe de Oro” gjatë qëndrimit të tij në Dubai, ku ka drejtuar, ka kërkuar në momentin e hedhjes së firmën në kontratë një avion privat, që të kishte mundësi për ta përdorur nëse do të ishte e nevojshme të udhëtonte drejt Spanjës për të vizituar vajzën dhe nipin. U rregullua. Më pas u shfuqizua në momentin e shkarkimit nga detyra.

Adebayor: Një tjetër “vip” i futbollit që ka kërkuar më shumë se ç’duhet. Adebayorit iu refuzua nënshkrimi me Olimpique Marseille pikërisht për shkak të kërkesave të tij të ekzagjeruara. Futbollisti nga Togo mësohet të ketë kërkuar një vile më pamje nga deti, një helikopter, një shef privat dhe veçanërisht numrin 10 që në atë kohë e mbante Lacazette. Mjaftuan të gjitha për t’i thënë… jo.

Ronaldo: Ronaldo është i fiksuar për privatësinë. Sikurse ka zbuluar Football Leaks, ai në kontratat me të punësuarit e të tepër të besueshëm ka shtuar një klauzolë, sipas të cilës askush nuk mund të tregojë se çfarë ndodh brenda shtëpisë së CR7 deri 70 vjet pas vdekjes së “yllit” portugez. Kur të skadojë kjo klauzolë do të kenë kaluar në jetën e përtejme të gjithë të punësuarit e Ronaldos.

Moise Keane: Rinovimi i kontratës së Moise Keane me Juventusin mund të përfundojë nën një… traktor. Mes të klauzolave, ende të papranuara, është edhe një kërkesë për makinerinë e rëndë bujqësore me të gjithë agregatet e saj. Më një fjalë, karriera nga fushat e futbollit së shpejti do të kalojë në ara.

/portali DurresLajm/

Na bëni like në facebook!: 

Lajme nga e njëjta kategori

Gjysma e globit pa me ëndje eklipsin e plotë të Hënës, që njihet ndryshe edhe si “Superhëna e përgjakur”.

Nëse rutina jonë e kozmetikës është gjithnjë në ndryshim, përse të mos jenë dhe disa zakone të tjera të përditshme, si për shembull aplik

Gruaja që theu dorën në aksidentin me princin Philip ka kërkuar që të dënohet ose t’i hiqet patenta.

Një dokumentar i ri i quajtur “Finding Neverland” po hedh dritë mbi anën e errët të mbretit të popit, Michael Jackson.

Këngëtarja dhe ish-Miss Durrësi, Rezarta Shkurta, si duket është bërë nostalgjike për kohët e fëmijërisë dhe ka ndarë me ndjekësit foton

Nëse doni një arsye më shumë për të justifikuar mjerimin këtë janar, ja ku është.

Burri më i vjetër i botës ka ndërruar jetë në shtëpinë e tij, në ishullin kryesor në veri të Japonisë, Hokkaido, në moshën 113-vjeçare.

Ai është ndër aktorët më të njohur shqiptar dhe humorin e ka të lindur.

Ish-futbollisti i Manchester United, David Beckham, ka përfunduar në shënjestër të kritikave.