Sipas mjekëve, lodhja e shpejtë dhe dhimbja e muskujve e nyjeve 75% shkaktohet nga mënyra sesi ne rrimë ulur para kompjuterit në punë, dhe 25% nga mosrespektimi i ekuilibrit mes punës dhe pushimit.

Më poshtë keni disa rekomandime sesi të qëndroni par kompjuterit, për të mos rrezikuar shëndetin tuaj.

1. Dhimbja e këmbëve

Mos kryqëzoni këmbët kur uleni para kompjuterit. Kjo sjellje përkeqëson qarkullimin e gjakut, shtrëngon venat dhe shkakton mpirje. Gjëja e parë që duhet të bëni është të rregulloni karrigen. Këmbët nuk duhet të varen dhe karrigia nuk duhet të prekë këmbët tuaja. Vendosni këmbët në dysheme ose në një stendë të veçantë në mënyrë që të qëndrojnë të përkulura 90 gradë.

2. Dhimbja e shpinës

Gjerësia e karriges duhet të përputhet me gjatësinë e kofshës tuaj. Nëse uleni në një karrige shumë të madhe, vendosni pas shpine një jastëk për të ulur pjesërisht ngarkesën. Përndryshe do të rrëshqisni poshtë, dhe kjo do të çojë në tension dhe dhimbje shpine. Karrigia duhet të jetë e rehatshme për shpinën. Në fillim do e keni të vështirë, por jepini pak kohë vetes për ta përvetësuar këtë qëndrim të saktë.

3. Duar të lodhura

Kur punoni me kompjuter duart tuaja janë në tension në vazhdueshëm. Ngarkesa dhe pozicioni i gabuar mund të shkaktojë dhimbje të shurdhër dhe bezdisëse, si dhe një ndjenjë të mpirjes në mëngjes.

Pozicioni i shpatullave dhe parakrahëve do të jetë i saktë nëse tastiera dhe mausi janë në nivelin e bërrylit. Kyçet duhet të jenë të drejta, jo të kthyera anash. Duart tuaja duhet të jenë të përkulura në bërryla në një kënd prej 90 gradësh dhe lirisht të shtrihen në tryezë.

4. Dhimbje qafe

Në mënyrë që të shmangni dhimbjen e qafës dhe kokës, është e rëndësishme të poziciononi siç duhet monitorin tuaj. Nëse është shumë e ulët, atëherë duhet të përkulësh shpinën ose të rrëshqasësh poshtë karriges. Kjo rrit ngarkesën në skajet e përparme të disqeve ndërvertebrore dhe mund të çojë në një hernie ose zgjatim.

Uluni në një karrige, mbyllni sytë dhe relaksohuni. Kur t’i hapni ato, pika në të cilën duhet të vendoset qendra e ekranit tuaj do të jetë pak para jush. Ekrani duhet të jetë para jush dhe jo anash, kështu që ngarkesa në qafë dhe sytë tuaj është minimale.

5. Sytë e lënduar dhe të lodhur

Kur jeni duke punuar në kompjuter për një kohë të gjatë, mund të ketë një të ashtuquajtur sindromë të shikimit kompjuterik: vizion të paqartë, thatësi, skuqje. Pastaj, dhimbje koke dhe acarim.

Poziciononi monitorin përsëri. Mjekët besojnë se pozicioni optimal i qendrës së monitorit është në nivelin e syve, në një distancë prej rreth 50 cm nga fytyra juaj.

Ulni dritën e ekranit. Nëse kompjuteri juaj qëndron pranë një dritareje, zhvendoseni ose lëshoni perden. Rregullo ndriçimin, kontrastin dhe madhësinë e shkronjave. Mund të jetë e dobishme vendosja e syzeve qetësuese, në mënyrë që sytë tuaj të lodhen më pak dhe të mos keni probleme me shikimin. Mos harroni për ushtrimet e syve, të shihni nëpër zyrë ose të shihni nga dritarja të paktën 20 sekonda çdo orë.