Amazon bëhet punëdhënësi i tretë më i madh në botë

02/12/2020 - 21:38

Me 424 mijë punësime të reja nga janari, kolosi i Jeff Bezos tashmë numëron më shumë se 1.2 milionë persona. Duke parë ecurinë e vitit 2020, Amazon tha se do të shpërblejë me 300 dollarë punonjësit me kohë të plotë dhe me 150 dollarë, ata me kohë të pjesshme

Dihet tashmë se 2020 ka qenë për Amazon, një vit me të vërtetë i artë. Ndërkohë që miliarda njerëz u izoluan brenda mureve të shtëpisë, e gjithë bota e e-commerce regjistroi një bum të paprecedentë.

Kolosi me seli në Seattle, lider botëror në sektor, ka qenë in primis i cili ka përfituar nga tendenca. Që në pranverë, për t’u bërë ballë volumeve të mëdha të regjistruara, u detyrua për disa javë të kufizonte porositë vetëm për mallrat me “përparësi të lartë”. Për të matur ecurinë e kompanisë është e nevojshme të marrim në analizë tre tregues: rritjen e titujve në bursë, pasurinë personale të themeluesit dhe CEO, Jeff Bezos, që sipas Bloomberg është rritur me 72,2 miliardë deri në kuotën 187 miliardë dhe në fund, numrin e punonjësve, me 427.300 punësime të reja në dhjetë muaj – sipas New York Times.

Amazon, këtë vit, ka nënshkruar mesatarisht 1400 kontrata të reja në ditë. Numri i të punësuarve në platformë kapërcen shifrën 1,2 milionë persona (me një rritje më shumë se 50% krahasuar me 2019), duke u bërë “punëdhënësi i tretë” në nivel botëror. Sipas të dhënave të Fortune, në vend të parë për numrin më të madh të punonjësve është gjiganti amerikan i shitjeve me pakicë Walmart (2,2 milionë) ndjekur nga China National Petroleum (1,3 milionë).

Me këtë ritëm, Amazon mund të zërë vendin e parë në vetëm dy vjet. Bëhet fjalë për një shoqëri që deri në vitin 2017 nuk ishte as në top 10 dhe më pas erdhi rritja e bujshme.

/portali DurresLajm/

Na bëni like në facebook!: 

Lajme nga e njëjta kategori

Arkeologët tashmë do të kenë mundësi të kuptojnë më mirë Tempullin e Kukulcan pasi një investigues pati mundësinë të filmonte brenda stru

Në një zonë lindore të Turqisë, trashësia e dëborës ka shkuar deri në pesë metra.

Siç dihet tashmë nga eksperienca e këtyre muajve të pandemisë, por edhe nga protokollet e Organizatës Botërore të Shëndetësisë (OBSH), si

Ish-deputetja e Partisë Demokratike Jorida Tabaku, rrallëherë publikon foto familjare, por këtë herë e ka thyer këtë rregull.

Ka befasuar deklarata e një prifti ultra-ortodoks në Izrael, i cili u tha ndjekësve të tij se vaksina anti-Covid i bën njerëzit “gay”.

Rejhan Sjunger është vetëm 14 vjeç dhe ka ngritur në këmbë jurinë e kompeticionit muzikor për fëmijë në Suedi.

Gjatë një mësimi në internet me studentët, një profesor nga Akademia e Arteve të Bukura të Urbinos në Itali, vendosi një video për të për

Flokët kanë prirje të elektrizohen, sidomos në stinën e dimrit ku lagështia është një fenomen i zakonshëm.

Bukuroshja italiane Melisa Sata ka ironizuar ish-bashkëshortin e saj, futbollistin Kevin-Prins Boateng.

Janari sjell borë dhe akull në shumë pjesë të botës, por shkretëtirat e Afrikës dhe Lindjes së Mesme zakonisht nuk bëjnë pjesë në listën