Armiku juaj i përbetuar sipas horoskopit, cili fiton në fund

18/10/2019 - 19:52

Nëse i përkisni shenjës së Dashit, armiku juaj është Akrepi

Një Dash nuk mund ta durojë dikë që s’del hapur, dikë që struket. Për të thënë atë që është, si Akrepi, ashtu edhe Dashi, janë agresivë, veçse në mënyra krejt të ndryshme. Ndjesia se nuk arrin t’i kuptojë qëllimet e Akrepit, e çmend Dashin.

Kush fiton në fund: Dashi, sepse e sulmon Akrepin duke e parë drejt e në sy. Akrepi, si shenjë e misterit, nuk di të reagojë përpara dikujt që edhe pse është i ngjashëm me të, është kaq i drejtpërdrejtë.

Nëse i përkisni shenjës së Demit, armiku juaj janë Binjakët

Një Dem thjesht nuk mund ta durojë dikë kaq të dyjëzuar. Pavendosmëria e Binjakëve është gjëja më e pakuptimtë në botë për një Dem. Përveç kësaj, ju duken aq të paparashikueshëm, saqë ju trembin. Përpiqeni t’ua prisni rrugët dhe t’i mbani larg Binjakët.

Kush fiton në fund: Demi, sepse e di se çfarë do dhe nuk bie kurrë në kontraditë me veten.

Nëse i përkisni shenjës së Binjakëve, armiku juaj është Bricjapi

Ju flisni shumë, por një Bricjap nuk ju dëgjon. Dhe nëse ka diçka që nuk e duroni dot, janë njerëzit që duket se i dinë të gjitha. Por edhe ju mërziteni pafund kur Bricjapi fillon flet.

Kush fiton në fund: Binjakët, sepse janë gjithologët e horoskopit.

Nëse i përkisni shenjës së Gaforres, armiku juaj është Shigjetari

Një Gaforre nuk mund ta falë dikë të cilit i ka dhënë shumë, dhe ai e ka hedhur gjithçka tutje. Thënë shkurt, një Shigjetar është i destinuar t’ia thyejë zemrën një Gaforreje, edhe sikur vetëm në shoqëri.

Kush fiton në fund: Shigjetari, sepse vazhdon jetën, kurse Gaforres do t’i duhet të rrijë edhe ca duke qarë vetëm, e mbyllur në dhomë.

Nëse i përkisni shenjës së Luanit, armiku juaj është Virgjëresha

Një luftë pushteti që nuk ka fund të lumtur. Luani do njerëz që ta ndjekin verbërisht, ndërsa Virgjëresha do që çdo gjë të jetë e përsosur. Virgjëresha kërkon perfeksionin tek çdo njeri, dhe një Luan thjesht nuk është mësuar ta vënë në diskutim se është më i miri.

Kush fiton në fund: Virgjëresha, sepse ndërkohë Luani grindet me veten përse Virgjëresha po e vë në dyshim suksesin e tij, ajo ka arritur tek pika 20 e planit me 21 pika.

Nëse i përkisni shenjës së Virgjereshës, armiku juaj është Gaforrja

Janë kaq moskokëçarëse, saqë një Virgjëreshë nuk mund ta përballojë. Gaforrja ndjek zemrën dhe jo mendjen, e për një Virgjëreshë ky është budallallëk. Ju e urreni rrëmujën, kurse Gaforrja thjesht nuk do t’ia dijë.

Kush fiton në fund: Gaforrja, sepse nuk do t’ia dijë.

Nëse i përkisni shenjës së Peshores, armiku juaj është Ujori

Një armiqësi kaq e kamufluar. Në pamje të parë jeni miq të mirë. Por, nuk e kuptoni si mundet dikush të jetë kaq i ftohtë, sa një ujor. Ju doni t’ju vlerësojnë, por një Ujor nuk ka ndërmend ta bëjë këtë. Ndërsa i urreni në fshehtësi, nga jashtë përpiqeni t’ua fitoni zemrën.

Kush fiton në fund: Ujori, sepse nga ana e tij i kupton mirë qëllimet tuaja.

Nëse i përkisni shenjës së Akrepit , armiku juaj është Peshorja

Një Akrep ka gjithnjë ndjesinë se Peshorja po fsheh diçka. Nga jashtë duket kaq e përsosur, sa ju bën konfuzë. Jeni dyshues për atë se çfarë fsheh në brendësi. I urreni njerëzit e shtirur dhe jeni të vendosur t’i bëni të vuajnë.

Kush fiton në fund: Akrepi. Me një kryeneçësi të paparë, një Akrep mund ta bëjë edhe një Peshore të pafajshme të konfliktohet, dhe dihet pastaj kush do të fitojë.

Nëse i përkisni shenjës së Shigjetarit, armiku juaj është Demi

Shigjetarit një Dem i duket i mërzitshëm, sepse Demi është krejt e kundërta e gjithçkaje që ju vlerësoni. Nëse dikush nuk arrin t’ju shkaktojë emocione, ç’e doni? Për ju është thjesht një gur që ju ka zënë rrugën.

Kush fiton në fund: Demi, sigurisht. Fitoni ju vetëm nëse i është tiposur t’ju lërë të fitoni.

Nëse i përkisni shenjës së Bricjapit, armiku juaj janë Peshqit

Çfarë dreqin mendojnë këta të Peshqve? Një Bricjap nuk arrin ta kuptojë, sepse idealizmin dhe ëndërrimet e Peshqve i shikon si një dobësi. I duken krejtësisht të padobishëm!

Kush fiton në fund: Bricjapi, sepse ndërsa Peshqit ëndërrojnë, Bricjapi vepron.

Nëse i përkisni shenjës së Ujorit , armiku juaj është Luani

A nuk e keni marrë vesh akoma? Luani ka gjithmonë të drejtë! Por kjo është e papranueshme për një Ujor, që nuk e duron dot kur dikush e di veten si më i miri. Por çështja është se në këtë pikë jeni njësoj!

Kush fiton në fund: Asnjëri!

Nëse i përkisni shenjës Peshqve, armiku juaj është Dashi

Nëse je Peshqit, pak gjëra arrijnë të hyjnë brenda teje sa për të të lënduar. Je një njeri që qëndron gati pezull nëpër jetë, duke ëndërruar, dhe s’para ndikohesh nga ambjenti. Por në ka diçka që arrin të të nervozojë, janë njerëzit agresivë. Pasioni dhe mënyra imponuese e Dashit të bëjnë të duash ta luftosh.

Kush fiton në fund: Dashi, por Peshqit mjafton të kapen pas një ëndrre tjetër dhe e harrojnë se ka ekzistuar në jetën e tyre.

/portali DurresLajm/

Na bëni like në facebook!: 

Lajme nga e njëjta kategori

Paraardhësit e lashtë të të gjitha kafshëve, por edhe të njerëzve, mund të kenë qenë biseksualë, të angazhuar në akte homoseksuale, në ve

Themeluesi i Microsoft- it, Bill Gates rezulton aktualisht si njeriu më i pasur në botë.

Është konfirmuar vetëm këtë fundjavë lidhja e Rudina Dembacajt me ish-deputetin Mark Frroku.

Një gjyshe me tre nipër e mbesa, e cila punon si gardiane burgu në Ontario, Kanada, është 48-vjeçe dhe thotë se bodibilldingu i ka dhënë

Çdo gjë dukej kaq perfekte mes stilistit milioner Philipp Plein dhe Lucia Bartolit, sidomos pasi ai e prezantoi publikisht si gruan e tij

Dëmtimi i trurit ndodh para se të vini re edhe ndryshimin që lidhet me humbjen e dëgjimit, sugjeron një studim i fundit.

Të gjesh dashurinë e vërtetë nuk është e thjeshtë, por nuk është as në dorën tonë krejtësisht.

Fustani i famshëm i Princeshë Dianës, që mbante veshur kur kërceu me John Travoltën në Shtëpinë e Bardhë, është nxjerrë në shitje për 350

Mali i Zi do t'i mungojë këtë vit festivalit "Eurovision 2020". Lajmin e bëri të ditur transmetuesi malazez RTCG.

Historianët kanë zbuluar mbetjet e një kompleksi kopshtarie në të cilën Adolf Hitleri rriste fruta dhe perime.