Ish-supermodelja Heidi Klum dhe babai i saj Gunther janë në një betejë ligjore mbi të drejtat tregtare mbi vajzën e madhe të Heidi, 17-vjeçaren Leni.
Sipas mediave, babai i saj Gunther mori emrin e Lenit si një brend tregtar dhe e regjistroi në Bashkimin Evropian në mars të këtij viti, dhe ai bëri të njëjtën gjë me pseudonimin e mbesës së tij Mausekatze. Mirëpo Klum ka kërkuar të fitojë legalisht emrin e Leni për veten e saj.
Ky lajm nuk është pritur mirë nga Gunther i cili përmes rrjetit të tij social, Instagram deklaroi se është kërcënuar me burg nga avokatët e modeles, ndërkohë që është e drejta e tij që të përdor këtë emër meqenëse Leni u pagëzua sipas nënës së tij.
“Unë kërkova emrin e vërtetë të Leni disa muaj më parë. Ajo u pagëzua sipas nënës sime Leni. Të drejtat për të mbrojtur emrin e Leni Klum më përkasin mua,” u shpreh ai për gazetën britanike “Mirror”.
