Të shpërndarit fotografi “të gëzueshme” në rrjetet sociale tingëllon si diçka krejtësisht e pafajshme dhe e padëmshme, por në fakt mund të rezultojë tepër e rrezikshme për sigurinë tonë.
Duket se poza e paqes, saktësisht ngritja lart e dy gishtave mund të tejçojë informacion personal.
Fotografitë e gishtërinjve mund të na ekspozojnë dukshëm
Instituti Kombëtar i Informatikës në Japoni (NII) bëri disa kërkime duke testuar foto të një subjekti të marrë nga një aparat fotografik digjital nga rreth 3 metra larg. Ata zbuluan se është e mundur të kopjoni shenjat e gishtërinjve nëpërmjet saj. Falë teknologjisë së përparuar të njohjes së gjurmëve të gishtave, shtojcat mund të skanohen, kopjohen dhe më pas të përdoren.
Sa më e mirë të jetë cilësia e fotos, aq më e rrezikshme është situata
Telefonat tanë inteligjentë vazhdojnë të perfeksionojnë kamerat duke qenë në gjendje të bëjnë fotografi me rezolucion të lartë. Rreziku vjen kur fotografitë e bëra me to postohen në internet. Kjo ngre alarmin e zbulimit të informacionit personal. Sipas studiuesve, fokusi dhe drita e mirë në një fotografi janë të mjaftueshme për të rikrijuar të dhëna sa u takon shenjave të gishtërinjve.
Të dhënat tona të vjedhura mund të përdoren pastaj kundër nesh
Ne përdorim shenjat e gishtërinjve për të hapur aplikacione dhe pajisje të ndryshme ku mund të menaxhojmë lehtësisht aktivitetet tona financiare. Sapo hakerat të kenë qasje në informacionin tuaj personal, ata mund ta përdorin atë për të hyrë në llogarinë tuaj bankare dhe llogari të tjera personale.
Nuk është e vështirë të imitosh gjurmët e gishtërinjve
Një kërcënim tjetër që zbulimi i shenjave të gishtërinjve mund të paraqesë është krijimi i një kopje të shtypur që mund të mashtrojë skanuesit biometrikë duke përdorur bojë përçuese. Për shembull, studiuesit në Universitetin Shtetëror të Miçiganit kanë provuar se nuk ka nevojë për ndonjë pajisje të veçantë për ta realizuar këtë. Një printer me bojë, bojë përçuese dhe letër e rregullt janë të mjaftueshme për të mashtruar një skaner të gjurmëve të gishtërinjve.
