Numri i personave në dasmat në kishë në Angli gjatë krizës së koronavirusit do të kufizohet me vetëm pesë persona.
Sipas rregullave të kishës, të pranishëm do të jenë vetëm prifti, nusja, dhëndri dhe dy dëshmitarë.
“Numri i personave në kishë do të jetë i kufizuar, mirëpo të afërmit ose miqtë e familjes mund të ndjekin ceremoninë përmes platformave të tilla si Skype. Përveç nuses dhe dhëndërit, distanca fizike duhet të respektohet sa është e mundur. Prifti nuk ka pse të prek unazat për t’i bekuar ata, as nuk duhet të prekë duart e çiftit si pjesë e një lutje ose bekimi, kështu që është e mundur që shërbimi të vazhdojë me parime kufizuara”, ka deklaruar Kisha e Anglisë.
