DJ suedez Avicii humbi jetën të premten në Oman dhe deri tani rapotet kanë hedhur poshtë alternativën e vrasjes.

Pas realizimit të dy autopsive, autoritetet kanë dalë në përfundimit se DJ i famshëm nuk është vrarë.

Vdekja e Tim Bergling u konfirmua nga përfaqësuesi i tij me anë të një deklarate. Deri tani nuk dihen ende shkaqet e vdekjes së 28-vjeçarit.

"Dy autopsi të kryera absolutisht konfirmuan se nuk ka dyshim për vrasje", ka thënë burimi i policisë, raporton The Independent.

Bergling ishte më i njohur për hitet ndërkombëtare si "Wake Me Up", "Without You" dhe "Hey Brother".

Muzikanti kishte anulluar koncertet në vitin 2016, pas heqjes së apendesitit.