Deri tani janë 14 deputetë që janë futur në parlament pas djegies së mandateve nga PD dhe LSI. Ndërkohë mbeten nga deputetët e 2017, Myslim Murrizi dhe Rudina Hajdari të PD si dhe Lefter Koka nga LSI. E me sa duket radhët e opozitës në parlament po mbushen çdo ditë e më shumë me emra të rinj. Edhe në seancën e sotme, pavarësisht etiketimeve ata kanë marrë pjesë madje dhe duke diskutuar për situatën dhe ekonominë.
Megjithatë detyra e re sidomos për gratë deputete paraqet një sfidë më vete, jo vetëm nga ana politike dhe vendimmarrëse, por edhe për imazhin. Shumë të kuruara janë shfaqur deputetet e reja në seancën e sotme, një pjesë e mirë e të cilave kanë preferuar të kuqen për në parlament. Ngjyrën e kuqe ka preferuar edhe deputetja e re e qarkut Durrës, Edlira Hyseni. Më e lehtë duket se është kjo sfidë për deputetët, burra por që sigurisht mbeten njësoj të kuruar si koleget e tyre.
