Prej disa ditësh, Princ Harry dhe Meghan Markle po shijojnë një turne në Australi, por ditë pas dite mediet kanë një gjë të re për të shkruar për ta. Veç shumë takimeve me zyrtarë, politikanë apo edhe njerëz në nevojë, çifti më i përfolur i momentit në të gjithë botën, arrin të tërheqë vëmendjen e të gjithëve. Megjithatë, asnjëherë si këtë herë…
Fotoja që ka bërë xhiron në rrjet është ajo që ka kapur Harry-n në një pozicion të sikletshëm, me dorën te të pasmet e Meghan.
Duke u larguar nga Zelanda e Re, Harry duket sikur ka prekur fundshpinën e Meghan. Në fakt, rrjeti zien nga dilema “e ka apo nuk e ka dorën Harry” në një vend të sikletshëm. Sipas komentuesve, ai thjesht është ndodhur pas Meghan, por dora e tij është fotografuar në këtë mënyrë.
Megjithatë, nga publikimi i fotos në një faqe në Instagram, rrjeti shpërtheu me komente.
“Ata e çuan shfaqjen e dashurisë në publik në një tjetër nivel”– shkruante dikush.
“Më pëlqen edhe kjo mënyrë e qëndrimit të Harry-t”– një tjetër dhe shumë komente të cilat janë ndarë në dy pjesë – ata që e kritikojnë dhe të tjerë që janë të bindur se është thjesht një objektiv “i ngrirë”.
“Mendoj se Princi Harry do ta marrë këtë fotot dhe do ta vendosë në kornizë” – shkruajnë edhe të tjerë komentues si për ta ironizuar Princin.
