Ekspertja tregon pse njerëzit rikthehen sërish me partnerët që i kanë lënduar

29/06/2020 - 08:01

Ndonjëherë ne vendosim t'i japim një marrëdhënieje të përfunduar një shans të dytë, duke shpresuar se gjërat do të jenë ndryshe këtë herë.

Shelby Sells, një eksperte në psikologjinë njerëzore e cila përqendrohet në marrëdhëniet moderne, ka dëshmuar se ka shumë arsye që në mënyrë të ndërgjegjshme ndikojnë në vendimin tonë për t'u rikthyer me një ish.

Të rikthehesh me ish-in është e lehtë dhe mjaft e njohur

Të kthehesh me ish-in tënd është gjëja më e lehtë që mund të bësh. Ju dhe partneri juaj i njihni dëshirat e njëri-tjetrit, ushqimet dhe pijet tuaja të preferuara, zakonet dhe gabimet tuaja, plus është e thjeshtë të ktheheni te diçka që ju tashmë jeni njohur.

Dhe sipas Sells, ne jemi mësuar me dhimbjen e shkaktuar nga partneri ynë, kështu që nuk ka surpriza të papritura që mund të na presin.

Ju nuk mund të përballeni me vetminë

Ndarjet nuk janë të lehta. Ju ndiheni të vetmuar dhe ai person i veçantë që ju ka ngushëlluar gjithmonë nuk është më me ju. Gjatë gjithë kohës do të vini në dyshim vendimin tuaj për ndarjen me personin që dashuroni, duke menduar për të gjitha momentet e lumtura dhe gjërat e mira që partneri juaj ka bërë për ju. Në këtë mënyre ju harroni arsyen pse jeni ndarë nga ky person.

Shelby thotë gjithashtu se njerëzit kanë frikë të përfundojnë vetëm dhe të fillojnë një lidhje të re me dikë tjetër. Ata mendojnë se do të jenë më mirë me personin që i lëndon sesa të jenë të vetëm.

Ju po kaloni një pjesë të ashpër emocionale

Zënkat dhe sherret kanë tendencë të jenë dramatike dhe shpesh na lënë të ndjehemi të thyer brenda. Këto ndjenja janë të papërballueshme për dikë që është shumë i dashuruar saqë vendosnin t’i japin fund duke u rikthyer sërish me ta.

Psikologia shpjegon se kur kemi pasur një distancë dhe kohë larg partnerit tonë, është e lehtë të idealizojmë kujtimet e mira dhe të lëmë pas dore ato të këqija.

Shpresojmë që ato të ndryshojnë

Ideja e “të verbuarit nga dashuria” është shpeshherë e vërtetë. Ndonjëherë ne harrojmë krenarinë dhe parimet tona dhe thjesht i dorëzohemi asaj shprese jorealiste që partneri ynë do të ndryshojë për mirë. Ne mund t’i japim shanse sërish duke shpresuar që ata do ndryshojnë sjelljen e tyre dhe pse në thellësi ne e dimë që është e pamundur. Në realitet, njerëzit rrallë ndryshojnë natyrën e tyre të lindur.

/portali DurresLajm/

Na bëni like në facebook!: 

Lajme nga e njëjta kategori

Shfaqen delfinët në bregdetin e Currilave në Durrës!

Një ngjarje tragji-komike i ka ndodhur një gjermani, i cili kishte zgjedhur të kalonte pushimet në Ulqin.

Zindzi Mandela, vajza e udhëheqësve të Afrikës së Jugut Nelson dhe Winnie Mandela, ka ndërruar jetë papritur në moshën 59-vjeçare.

Ndahet nga jeta Kelly Preston, bashkëshortja e John Travolta.

Një familje e njohur aktorësh në Indi ka rezultuar pozitive nga testi i koronavirusit Covid-19.

Nëse do të ishte gjallë, Princeshë Diana do të ishte sot 59 vjeçe.

Rober Irwin është një figurë e njohur televizive në Britaninë e Madhe.

Ndërkohë që të gjithë instancat shtetërore e shëndetësore po bëjnë thirrje për distancim social, në veçanti në klube e lokale, me sa duke

Një protestë e pazakontë është shënuar në Hamburg të Gjermanisë, ku punëtoret e seksit kanë kërkuar që bordellot të mos mbyllen në periud

Të gjitha femrat e dinë që kurrsesi nuk mund të ndodhë që puçrrat, pikat e zeza dhe ato dhjamore të bardha të zhduken brenda natës, por m