Dekolteja e hapur e deputetes braziliane, Ana Paula da Silva në ceremoninë e betimit ka ngjallur reagime të ashpra në Brazil.
Ajo është venë në qendër të vëmendjes në mediat braziliane dhe në rrjetet sociale për shkak të veshjes provokuese, me të cilën u shfaq më 1 shkurt.
Shumica e kanë quajtur veshjen e saj të papërshtatshme, shokuese dhe vulgare, ndersa të tjerë kanë thënë se veshja nuk është e rëndësishme.
Da Silva është përgjigjur në Facebook duke mbrojtur zgjedhjen e saj.
Ajo i akuzoi qortuesit se komentet dhe kërcënimet e tyre vinin për shkak të kulturës “maço” dhe seksiste të vendit, e bazuar në paragjykime.
Ajo i këshilloi debatuesit të merreshin me të veshurit me kravata që vjedhin fonde, pasi ajo vetë do të vazhdojë të vishet si t’i dojë qejfi.
