Ëndërron të bëhet këngëtare e famshme/ Violeta Beshiri, artistja e talentuar durrsake, fituese e shumë çmimeve (VIDEO)

05/07/2020 - 19:57

Është vetëm 12 vjeçe dhe ka fituar një listë të gjatë çmimesh të ndryshme falë zërit të saj të bukur.

Ajo ka marrë pjesë në shumë konkurse muzikore, brenda dhe jashtë vendit, nga ku ka rrëmbyer vlerësime maksimale nga juria profesioniste.

Po flasim për artisten nga Durrësi, Violeta Beshiri, të cilën do ta njohim më shumë në këtë artikull përmes intervistës me këngëtaren e ardhshme, të ëmën, Dalina Beshiri dhe mësuesen e muzikës, Edmonda Rotani.

Që në moshë të vogël, asaj i pëlqente të dëgjonte muzikë dhe të përsëriste tekstet, por kjo për familjarët nuk ishte diçka e veçantë duke qenë se bebe kishte filluar të gërmëzonte fjalët e para shumë herët.

Mamaja e Violetës, Dalina tregon se talentin e të bijës e kanë kuptuar kur ajo ishte në klasën e katërt, kohë kur vogëlushja, 9-vjeçare aso kohe u pikas nga mësuesja e muzikës. 

"Violeta ka qenë një bebe e cila ka folur shumë shpejt dhe kjo i ka dhënë mundësinë që të mësonte këngë shumë shpejt. Dhe ajo gjithë kohës këndonte dhe ne në fakt qeshnim me këtë gjë sepse e mendonim si gjithë fëmijët, që shkojnë në kopësht, mësojnë këngë dëgjojnë këngë nga televizori dhe përpiqen t’i imitojnë.", thotë ajo.

Pasi mësuesja Rotani dëgjoi zërin e ëmbël dhe korrekt të Violetës e aktivizoi atë fillimisht në koncertin e 15 vjetorit të shkollës "Mihal Ekonomi", ku ajo është nxënëse për të vijuar më pas me konkurset midis shkollave.

"Aty Violeta këndoi si solistë për herë të parë. Pastaj e pasoi ansambli i këngëve popullore, aktivitet që organizohet çdo vit nga Qendra Kulturore e Fëmijëve, një konkurs që është midis shkollave dhe me kategori, ku Violeta për kategiorinë e saj mori çmimin e parë dhe që aty ajo nuk iu nda çmimeve."

LISTA E ÇMIMEVE TË VIOLETËS

  • -Çmim i parë 3 herë në Festivalin e Ansambleve Folklorike të shkollave të qytetit --> 2018-2019-2020
  • -Çmim i dytë në konkursin “Unë këndoj” QKF Durrës --> 2018
  • - Çmim i parë, Festivali “Tingujt e Adriatikut” --> 2018
  • - Çmim i parë, Festivali Mbarëkombëtar për fëmijë, Shkodër --> 2019
  • - Çmim i Publikut dhe cmimi “Zëri më i mirë”, Festivali “Peshku i artë”, Strugë --> 2019
  • -Çmim i parë “Festivali i Frankofonisë” Durrës --> 2019
  • - Çmimi i parë, Festivali “Pop Talent” --> 2019
  • -Festivali “Junior Fest” Tiranë --> 2019
  • - Çmimi “Zëri më i mirë” festivali i Ulqinit --> 2019
  • - Çmimi i dytë, Festivali Ndërkombëtar “Zlatna Pahulja”, Rozhaje, Mal i  Zi
  • - Çmimi special “Nderi i festivalit”, konkursi për zërat e rinj “Unë këndoj”, Durrës --> 2020
  • - Gjysmëfinaliste në Festivali Ndërkombetar Wapa World Vision (online) --> 2020
  • -Festivali i ansambleve të qyteteve, Pukë --> 2018-2019
  • Çmimi i dytë për dy kategori, Golden Voice Malta 2020 online 

Por nga të gjithë triumfet e saj të listuara më lart, Violeta rrëfen se vlerësimi që e ka bërë së tepërmi krenare dhe emocionuar është çmimi i parë në festivalin e Shkodrës, i cili ka qenë surpizues për të, ku konkuronte me këngën "Ty mbi rërë të vizatoj", vargje dedikuar qytetit të Durrësit nga Agim Bajrami, e me muzikë të kompozitorit Ylli Ramzoti.

"Unë u ndjeva shumë e emocionuar dhe nuk e mendoja kurrë që do ta fitoja. Kur emri im u shpall isha shumë e gëzuar dhe nuk e besoja dot, nuk më dukej si realitet, më dukej si ëndërr", shprehet Violeta.

E duke u ndalur tek ëndrrat, nëse fëmijët e moshës së saj janë ende në mëdyshje për atë që ëndërrojnë për veten kur të rriten, Violeta e ka të qartë dhe është prerë; do të bëhet një këngëtare e madhe, ndonëse është e vetëdijshme që jetës nuk i dihet. 

"Ëndrra ime më e madhe është që kur të rritem të bëhem një këngëtare e famshme, jo vetëm në Shqipëri por mase edhe jashtë shtetit."

Ndërsa e ëma Dalina, krahas muzikës do të donte që e bija të kishte dhe një profesion tjetër. Por mbi të gjitha, e rëndësishme për të është që Violeta të jetë e lumtur dhe të shijojë çdo konkurs ku merr pjesë pavarësisht çmimit. 

"Artet mbase nuk të ofrojnë çdo gjë që do. Kështu që unë i kam këshilluar Violetës që të shikojë edhe ndonjë profesion tjetër përveç muzikës. Pra t'i ketë të dyja që të plotësojnë njëra-tjetrën."

Frymëzim dhe mbështetje e madhe për 12-vjeçaren kanë qenë prej ditës së parë, mësuesja dhe familja e saj. E duke u ndalur te këta të fundit, ndonëse fëmijë, ajo është mirënjohëse për sakrificat që ata kanë bërë dhe i kanë mësuar që duke punuar, mund të arrish atë që do.

"Më kanë dhënë gjithmonë suport. Duke qenë sa kanë kaluar vështirësi më kanë treguar se çdo gjë me punë mund të bëhet." 

Këngëtarët e preferuar të Violetës janë të huaj, ndërsa muzikën shqiptare nuk e dëgjon shumë. E lidhur ngushtë me këtë fushë, ajo tregon se as në kohën e lirë nuk shkëputet prej saj.

Rruga e gjatë e Violetës në botën e muzikës nisi vite më parë nga një konkurs në qytetin e saj të lindjes, dhe nuk do të jetë larg dita kur me zërin magjik dhe fytyrën ëngjëllore, do të pushtojë skenat më të rëndësishme në vend e jo vetëm.

Me të cilën nuk do të krenohet vetëm familja por edhe Durrësi...

G.D.

/portali DurresLajm/

Video: 
Na bëni like në facebook!: 

Lajme nga e njëjta kategori

Nën dyshekë, qilima, në rrobat e papastra, libra ose sirtarë… Nëse zgjidhni këto vende për të ruajtur para, duhet ta dini se hajdutët “do

Produktiviteti nuk varet nga koha e qëndrimit në punë. Por si mund të jeni produktivë dhe jo vetëm të zënë në punë?

Të jesh blogere sot në Shqipëri duket hera-herës si një trend.

Pasagjerët e një fluturimi nga Nisa në Oslo do të duhet të zbatojnë një karantinë dhjetëditore, për shkak se avioni i tyre zbriti në të n

Këngëtarja e njohur, Manjola Nallbani, njihet jo vetëm për zërin e mrekullueshëm, por edhe pamjen e jashtme, ku shfaqet gjithmonë e kurua

Mbretëresha Elizabeth dhe Princi Philip rrezikojnë të mbeten të izoluar në rezidencën skoceze në Balmoral, ku ato janë atje prej disa dit

Ish-mbreti i Spanjës Juan Carlos, që ka lënë vendin pas akuzave për korrupsion ndodhet në Abu Dhabi, në një rezidencë të një superhoteli

Prej disa muajsh, pandemia ka pushtuar botën duke krijuar vështirësi dhe probleme të ndryshme.

Ish-Zonja e Parë e Shteteve të Bashkuara të Amerikës, Michelle Obama, ka treguar se vuante nga një depresion i një shkalle të ulët për sh

Pasuria e themeluesit të Facebook-ut, Mark Zuckerberg, veçse vjen duke u rritur.