Përpara debatit me kundërshtarin Joe Biden, presidenti i SHBA-së Donald Trump, u fotografua në shoqërinë e Melania Trump, ose së paku një personi që hiqet si ajo.
Njerëzit në internet vunë re se gruaja në foto ngjason së tepërmi me Melania-n, por dukshëm sipas tyre nuk është ajo. Arsyeja kryesore është fakti se ajo është duke qeshur, një qëndrim jo fort tipik i Melania-s së vërtetë.
Në internet, të shumtë janë njerëzit që krahasojnë formën e buzëve dhe dhëmbëve.
Nuk është hera e parë që përflitet se Zonja e Parë e SHBA-së ka një sozi, e cila ndodh të shoqërojë presidentin hera-herës, por Trump e ka mohuar një fakt të tillë. Sidoqoftë, një tjetër krahasim në internet i cili vë në dukje diferencën në gjatësi mes tyre mund ta shihni në fotot më poshtë.
