Gazetari i njohur rikthehet në Top Channel pas 3 vitesh mungesë

11/02/2019 - 13:03

Për vite me radhë, Muhamed Veliu ka raportuar për Top Channel, mirëpo në 2016-ën, gazetari i njohur u largua për të nisur eksperienca të reja. 

Veliu zuri postet si PR, këshilltar i medias apo drejtor informacioni, megjithatë asnjë prej tyre nuk i ka dhënë kënaqësinë e gazetarisë në terren.

Pas 3 vitesh mungesë, ai ka lajmëruar në një status në profilin e tij në Facebook se do të rikthehet në "Top Channel".

POSTIMI I PLOTË

Në tre vitet e fundit më është dashur të provoj disa sfida profesionale, në gazetari dhe përtej saj. Duke nisur me ato që nuk kanë të bëjnë me profesionin e zemrës. Ishte megjithatë privilegj të punoja si këshilltar i medias për ish-ministren e ekonomisë Milva Ekonomi.

Më pas të drejtoja marrëdhëniet me publikun në organizatën Albanian Food Industry nga ku preka nga afër betejat e përditshme me të cilat përballet biznesi.

Të qenurit drejtor informacioni në Report Tv për 17 muaj ishte një përvojë e jashtëzakonshme. E quaj të tillë pasi punova me një grup njerëzish në televizion, gazetën Shqiptarja.com print dhe online, të cilët unë i quaj heronj në atë që bëjnë çdo ditë, me ato burimeve njerëzore e teknike që kanë në dispozicion.

Megjithatë gjatë këtyre tre viteve mbërrita në përfundimin se nuk kishte ardhur ende koha për mua, të varja në gozhdë – siç thotë Indro Montaneli – këpucët e gazetarit, dhe të mbyllesha në zyrë larg vendbetejës së përditshme të lajmit, terrenit.

Kësisoj kam vendosur ta rinis atje ku e lashë në prillin e 2016-tës. Të rikthehem në Top Channel me besimin tim dhe mbështetjen e gjithë stafit të këtij televizioni për të prodhuar lajme On Top njësoj si ato 11 vite, 6 në Londër dhe 5 në Tiranë. Ka një arsye pse. Edhe gjatë viteve të fundit, disa mendonin që unë vazhdoja të punoja në Top Channel.

Një falënderim nga zemra për të gjithë ata me të cilët kam bashkëpunuar këto tre vite. Nuk dua të harroj pa falënderuar edhe ata të cilët pas largimit nga Report Tv kërkuan të më kishin pjesë të televizioneve të tyre në drejtimin e projekteve serioze dhe ambicioze.

Tani është koha për të përveshur mëngët e nisur një rrugëtim të ri sa të bukur dhe sfidues.

Nga sot ritakohemi në ekranin e Top Channel.

Tung

/portali DurresLajm/

Na bëni like në facebook!: 

Lajme nga e njëjta kategori

Një grua 41-vjeçare vuan nga një sëmundje e rrallë, që e bën atë të plaket tetë herë më shpejt sesa personat e tjerë në mbarë botën.

Ditët e fundit dukesha Meghan Marke dhe Princ Harry janë ‘sulmuar’ nga mediat dhe ndjekësit e tyre për udhëtimet me avion privat dhe push

Klodjana Haxhiaj, gazetarja e njohur në Durrës e cila ndër vite ka raportuar ngjarje nga më të ndryshme për qytetin bregdetar, sot ka dhë

Kujtimet janë si një muzë plot me gjëra të bukura, por edhe të shëmtuara, megjithatë studimet po i vënë në diskutim ato.

Shtëpia e Gary Neville është padyshim një nga më të veçantat e para ndonjëherë. Shtëpia ka formë luleje, e mimetizuar në mënyrë perfekte

Rike Roçi u bë një ndër vajzat më të ndjekura dhe të komentuara në rrjete sociale pas pjesëmarrjes së saj në reality show “Big Brother” d

Një punëtor bashkiak në provincën Manisa të Turqisë gjeti një çantë që kishte 2 milionë lira turke (360.000 dollarë) në një park lokal dh