Një ngjarje e pazakontë ka ndodhur në Michigan të SHBA-së, ku një pacienteje iu transplantuan mushkëri të infektuara me Covid-19.
Ajo ndërroi jetë 2 muaj pas transplantit, pasi dhuruesi ishte infektuar me koronavirus, megjithëse testet e para treguan se ishte negativ.
Shkolla e Mjekësisë e Universitetit të Michiganit tha se mund të ishte rasti i parë i provuar në Amerikë i një infeksioni virusi përmes një transplantimi organi.
Po ashtu, edhe kirurgu që trajtoi mushkëritë e dhuruesit u infektua me koronavirus, por fatmirësisht arriti që të mbijetojë.
Ky është i vetmi rast i konfirmuar nga 40,000 transplantime të bëra në SHBA gjatë vitit të kaluar.
Mediat e huaja shkruajnë se mushkëritë iu morën një gruaje që vdiq në një aksident automobilistik dhe u transplantua tek një grua që vuante nga sëmundja pulmonare obstruktive kronike. Mësohet se operacioni u krye në Spitalin Universitar Ann Arbor.
Simptomat e infeksionit iu shfaqën tre ditë pasi kishte bërë operacionin e mushkërive.
