Kina me më shumë miliarderë se sa SHBA-ja dhe India bashkë

27/02/2020 - 18:09

Vitin e kaluar, Kina rezultoi me trefishin e miliarderëve të rinj ndaj SHBA-së, të cilët pasurinë e tyre e kanë fituar kryesisht në sektorin farmaceutik, internet, argëtim, sipas renditjes së publikuar në revistën kineze ”Hurun Report” për njerëzit më të pasur në botë.

"Në rajonin e Kinës së Madhe, që përfshin Hong-Kongun dhe Tajvanin, numri i miliarderëve të rinj është rritur me 182 në 799 persona, në krahasim me 59 pasanikët e rinj në SHBA”, tregojnë të dhënat e revistës kineze.

"Edhe pse shpërthimi i epidemisë së koronavirusit në Kinë e ka goditur rëndë ekonominë e dytë më të madhe në botë, gjithashtu e ka nxitur rritjen e aksioneve të kompanive kineze, që merren me veprimtari edukative përmes internetit, lojërave online si dhe me prodhimin e vaksinave”, theksohet në raport.

Duke pasur parasysh se numri më i madh i qytetarëve kinezë pas epidemisë kanë mbetur në shtëpitë e tyre për shkak të karantinës dhe kufizimeve të udhëtimeve, shërbimet përmes internetit janë rritur, ndërsa dukshëm kanë përfituar edhe sipërmarrësit në fushën e shëndetësisë, të specializuar për vaksinimet.

"Kina sot ka më shumë miliarderë se sa SHBA-ja dhe India bashkë”, theksoi Rupert Hugeverf, themelues dhe kryetar i “Hurun Report”, sipas të cilit SHBA kanë 629 miliarderë, ndërsa India 137 miliarderë.

Gjatë 12 muajve, deri në fund të janarit të vitit 2020, aksionet e kompanive teknologjike në Kinë kanë shënuar rritje për 77 %, ndërsa kompanitë farmaceutike kineze për 37 %, duke e tejkaluar rritjen e përgjithshme globale.

Megjithatë, në majë të listës së njerëzve më të pasur në botë janë biznesmenët amerikanë, ndërsa vendi i parë tashmë tre vite me radhë i takon themeluesit të Amazon, Xhef Bezos, me pasuri prej 140 miliardë dollarëve.

Mes miliarderëve kinezë më i pasur është Xhek Ma, themelues dhe ish-shef i Alibaba-s, me pronë në vlerë prej 45 miliardë dollarë.

/portali DurresLajm/

Na bëni like në facebook!: 

Lajme nga e njëjta kategori

Një foshnje 6-javëshe në Connecticut të SHBA-ve ka ndërruar jetë nga koronavirusi, dhe besohet të jetë viktima më e re në botë që ka humb

Ellis Marsalis Jr., pianist xhazi, mësues dhe patriark i një klani muzikor të Nju Orlins që përfshin djem të interpretuesit të famshëm Wy

Karantina në kohën e koronavirusit ka ndryshuar zakonet e konsumit. Sipas mediave spanjolle, konsumi i birrës ka shënuar rritje me 78%.

Papa Françesku u bëri thirrje punonjësve të medias të ndihmojnë publikun të mos ndihet vetëm në këtë periudhë izolimi.

Mbrëmjen e kaluar u bë i ditur lajmi se babai i Dj të njohur, Vik Krajës, doktor Dhimitër Kraja ishte infektuar me virusin ‘Covid-19’ pas

Një histori rrëqethëse raportohet nga Italia, për shkak të përhapjes masive të koronavirusit.

Nuk donin të respektonin radhën dhe distancën 1 metër nga njëri-tjetri.

Ditë më parë Princ Charles, djali i Mbretëreshës së Anglisë, i pari në rradhë për fronin britanik, u  testua për Covid-19 dhe rezultoi po

Një ngjarje e rëndë ka ndodhur në Itali, ku një student 26-vjeçar italian Antonio De Pace vrau të fejuarën e tij, pasi pretendonte se e k

Një infermiere që punon në një spital në Britaninë e Madhe është surprizuar nga familjarët e saj sa hapi derën e shtëpise.