Kujdes! Pema e Krishtlindjes është burim sëmundjesh

19/11/2019 - 21:24

Për pjesën më të madhe të njerëzve, vendosja e pemës së Krishtlindjes shënon edhe fillimin e sezonit festiv, por për disa të tjerë mund të shkaktojë probleme të mëdha shëndetësore, madje edhe vdekjeprurëse. Ekspertët shprehen se pavarësisht se pema mund të zbukurojë dhomën e ndenjes, ajo mund të jetë edhe burim i llojeve të ndryshme të mykut.

Myku mund të rritet natyrshëm në pemën tuaj, por ky proces edhe mund të përshpejtohet në momentin që temperatura brenda dhomës rritet, duke sjellë në këtë mënyrë probleme me mushkëritë. Sipas “Asthma UK”, 300 njerëz drejtohen drejt spitalit për të marrë ndihmën e parë për shkak të problemeve me frymëmarrjen gjatë kësaj periudhe.

Madje edhe pemët artificiale nuk janë zgjidhja e duhur sepse ato mbledhin pluhur dhe myk, që mund të rritin rrezikun e sëmundjeve të mushkërive. Studiuesit në SHBA vunë re një rritje të sëmundjeve dhe problemeve me frymëmarrjen, në javët para dhe pas 25 Dhjetorit dhe kjo u konsiderua si “Sindroma e Pemës së Krishtlindjes”.

Studiuesi Lawrence Kurlandsky tha: Nëse ju dhe fëmijët tuaj nuk keni ndonjë alergji të dukshme, atëherë me shumë mundësi nuk do keni probleme. Por personat me alergji dhe ata që vuajnë nga astma duhet të jenë të kujdesshëm.

Pas përdorimit këshillohet që pemët artificiale të ruhen me shumë kujdes dhe duhet të pastrohen para se të vendosen sërish vitin e ardhshëm. Sipas studiuesve, nëse adhuroni të keni një pemë natyrale, kujdesuni që ta pastroni fillimisht dhe personat alergjikë duhet të shmangin dekorimin e pemës, në mënyrë që të shmanget kontakti i drejtpërdrejtë me mykun. Këshillohet që pema të hiqet nëse problemet shëndetësore përkeqësohen.

/portali DurresLajm/

Na bëni like në facebook!: 

Lajme nga e njëjta kategori

Për disa, 2019-a ka fluturuar, për të tjerë duket sikur s'do të marrë fund kurrë.

Mijëra krijesa të çuditshme kanë pushtuar një plazh në Kaliforni. Krijesat pulsuese janë krimba në formë dhjami, ose “Urechis caupo”.

Përpara atmosferës së festave të Nëntorit, kur shumica e njerëzve bëjnë plane se ku do t`i kalojnë ato, sidomos kur dy ditët e festave i

Zakonisht për festa gjejmë në pemën e Krishtlindjes dhurata që na bëjnë të lumtur.

Kim Kardashian është nënë e 4 fëmijëve, 2 prej të cilëve kanë ardhur në jetë nga një nënë surrogate.

Një ngjarje e veçantë ka ndodhur në Kategorinë e Dytë në slloveni, teksa një lojtar është përjashtuar nga ekipi i tij.

Të paktën një herë në vit, datat e kalendarit përputhen për të na dhënë një të premte të 13-të.

Fotografitë dhe videot e kryeministrit britanik, Boris Johnson duke votuar së bashku me qenin e tij, Dilyn, nuk janë të vetmet që janë bë

Kjo është vila mbresëlënëse e gazetares së njohur Ellen DeGeneres në Los Angeles.

Revista "Forbes" ka renditur të parën në listë si gruan më të fuqishme në botë për vitin 2019, kancelaren gjermane, Angela Merkel.