I ftohti ekstrem me temperatura tepër të ulëta ka përfshirë rajone të gjera në Amerikë, Europë dhe Azi. Masa të ftohti siberian, me temperatura që arrijnë deri në – 40 gradë Celsius kanë përfshirë edhe rajonet lindore të Turqisë.

Punonjësit e bashkisë në distriktin Caldiran të provincës Van kishin shkuar në malin Tendurek për të hedhur mbeturinat, kur panë një dhelpër që dukej si e gjallë.

Por në fakt ajo ishte ngrirë në temperatura shumë nën zero.

Dhelpra besohet të ketë qenë duke kërkuar ushqim në zonë, kur është ngrirë nga i ftohti.

Media turke raporton se në këtë zonë gjatë ditës temperaturat varionin nga -15 deri në -25 gradë, ndërsa gjatë natës nga -35 në -40 gradë celsius.