Kurrë mos i vendosni këmbët në kroskotin e makinës!

17/10/2019 - 11:39

Të vendosësh këmbët në kroskot ndërsa je duke bërë një udhëtim të gjatë mund të jetë shumë e rrezikshme, pavarësisht rehatisë që mund të ndjesh.

Një eksperiecë të keqe na e tregon edhe Irlandezja Gráinne Kealy, e cila fatmirësisht është gjallë për të treguar eksperiencën e tmerrshme që ka kaluar nga ky veprim.

Sot 35-vjeç, Gráinne Kealy tregon se në moshën 22 vjeçare është përfshirë në një aksident. Ajo ishte në makinë me të dashurin e saj kur vendosi të mbante këmbët në kroskot, duke mos llogaritur që këmbët ishin fiks mbi airbag-un e makinës. Airbag del në sipërfaqe në aksidente.

Gjithçka ishte në rregull derisa makina filloi të rrëshqiste në akull. Gráinne dhe i dashuri i saj u përplasën me një mur. Pas përplasjes airbag-u shpërtheu në vendin ku Kealy kishte pozicionuar këmbët. Gjunjët e Gráinne u përplasën me fytyrën e saj me forcë të madhe, me një shpejtësi prej 322 kilometrash në orë.

Për shkak të përplasjes, Gráinne kishte thyer pothuajse çdo kockë të fytyrës, përfshirë edhe dy dhëmbë. Kirurgët bënë gjithçka që mundën për të rikthyer tërë fytyrën e saj, por një vit pas aksidentit mjekët thanë se tërë balli i saj duhej hequr. Gráinne jetoi pa ballë për dy vjet, derisa mori një ballë prej qeramike. Përveç kësaj, asaj gjithashtu iu desh të rehabilitohej për një kohë vërtet të gjatë dhe ajo ende përjeton probleme me kujtimin e gjërave dhe përqendrimin. Ajo nuk mund të kujtojë asgjë nga aksidenti.

Gráinne tani përpiqet të paralajmërojë sa më shumë njerëz që munden përmes Facebook. Ajo irritohet dhe mërzitet kur sheh të famshëm të ndajnë foto të këmbëve të tyre lart në kroskot, përmes Instagramit dhe Snapchat. Gráinne mendon se ata duhet të japin një shembull të mirë pasi ata kanë një audiencë të madhe dhe shpesh shihen si modele të roleve!

/portali DurresLajm/

Na bëni like në facebook!: 

Lajme nga e njëjta kategori

Mendoni një pengesë të gjatë prej 9 kilometrave që ndihmon në mbrojtjen e qytetit nga ujërat e përmbytjes gjatë stuhive të ashpra si Sand

Khagendra Thapa Magar, burri më i shkurtër në botë ka ndërruar jetë në moshën 27-vjeçare.

Një injeksion dy herë në vit që zvogëlon kolesterolin e keq për të mbrojtur zemrën është zgjidhja e kompanisë NHS me qendër në Britaninë

Një grua është bërë lajm i ditës në Britaninë e madhe nga gazeta

Frogmore Cottage, shtëpia e Dukës dhe Dukeshës së Sussex, Harry dhe Meghan është në proces mbylljeje, pas spekulimeve që çifti nuk ka ndë

Për disa njerëz, pasuria është rezultat i një pune të palodhur, ndërsa për disa të tjerë, mjafton ta mendojnë dhe ditën tjetër janë të pa

Disa udhëtarë mbetën të plagosur pasi një dallgë e madhe u përplas në dritaret e trenit, në një kohë kur Britania po përballet me një mot

Një ngjarje e pazakontë është regjistruar gjatë një ndeshje amatore futbolli në Meksikë, ku tifozë të irrituar kaluan rrethimin dhe tentu

Kur tri vjet më parë nisi kjo çështje, u duk se Teo Hernandez mund ta pësonte.

Jaime Botin, një miliarder spanjoll, koleksionist i veprave të artit u dënua me 18 muaj burg dhe u gjobit me 58 milionë dollarë pasi tent