Mbreti i pop-it, Michael Jackson është shpallur “Artisiti i famshëm i vdekur më i pasur në botë” nga revista amerikane “Forbes”. Ai kryeson listën për të shtatin vit radhazi, pasi ka fituar 60 milionë dollarë nga tetori i vitit 2018.
Të ardhurat nga muzika u rritën në 2,1 miliardë dollarë, nga 1,8 që ishin vitin e kaluar. Në arritjen e kësaj shume ka ndikuar veçanërisht katalogu i këngëve të tij dhe një koncert madhështor në Las Vegas.
Pas tij, vjen një tjetër yll i muzikës i quajtur ndryshe edhe “Mbreti”. Elvis Presley ka fituar gjatë vitit të kaluar 39 milionë dollarë, jo vetëm nga muzika, por edhe nga të ardhurat e mbledhura nga gati 500 mijë turistë që vizitojnë shtëpinë e tij në Memfis, Tenesi.
Në vend të tretë renditet Charles Schultz, krijuesi i librit me vizatime, i bërë edhe film i animuar, “Peanuts”. Më pas lista vazhdon me Arnold Palmer, Bob Marley, John Lennon, Marilyn Monroe, Prince dhe Nipsey Hussle.
