Aktori dhe modeli që u bë shumë i famshëm me pamjen e tij të mbuluar me tatuazhe, Rick Genest, është gjetur i vdekur në shtëpinë e tij në Montreal.

“Zombie boy”, 32 vjeç, sipas mediave të huaja raportohet se ka vrarë veten, ndërsa shkaqet nuk dihen.

Të shumtë kanë qenë personazhet e njohur, të cilët janë pikëlluar nga ky lajm i papritur.

“Vetëvrasja e mikut tim Rick Genest është përtej shkatërrimit. Ne duhet të punojmë më shumë për të ndryshuar kulturën, shëndeti mendor duhet të jetë përparësor, të fshijmë stigmën që nuk mund të flasim për të. Nëse vuani, thërrisni një mik ose familje. Ne duhet të shpëtojmë njëri-tjetrin”, ka shkruar Lady Gaga.