Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Ndryshimi i stinëve e bën më të vështirë zgjimin në mëngjes

04/03/2021 - 08:41

Ka njerëz që zgjohen me zilen e parë të alarmit e ka të tjerë që rrotullohen pa fund në shtrat duke injoruar edhe zilen e shtatë. Nëse zgjimi në mëngjes është një mision i vështirë për ju, atëherë fajësoni ndryshimin e stinëve.

Ekspertët mjekësorë shpjegojnë se me ardhjen e pranverës, moti dhe humori ndryshojnë me shpesh se zakonisht. Nëse ndiheni të lodhur në mëngjes, jeni akoma në kohë për të rifituar energjinë.

Kjo arrihet duke ndryshuar mënyrën e të fjeturit, regjimin ushqimor dhe duke kryer më shumë aktivitet fizik. Ushqyerja e mirë është tepër e rëndësishme për të pasur një fillim të mbarë në mëngjes jo vetëm gjatë dimrit por edhe tranzicionit të stinëve.

Në këtë artikull do të gjeni disa këshilla të vyera që do e bëjnë zgjimin në mëngjes jo aq të vështirë. Këto këshilla janë të rëndësishme, sepse vështirësia në të fjetur dhe për t’u zgjuar, ju bën më të lodhur gjatë ditës, nxit dhimbjet e kokës dhe ju shtyn të hani më shumë ëmbëlsira.

Duke nënvizuar rëndësinë e gjumit, ekspertët thonë se nëse flini më pak se gjashtë orë, nëse flini më shumë se 9 orë, nëse bëni gjumë të ndërprerë, sistemi imunitar dobësohet, metabolizmi ngadalësohet dhe gjendja mendore përkeqësohet.

Gjumi i mirë bëhet në errësirë

Melatonina është e nevojshme për një gjumë cilësor. Prodhimi i saj nxitet nga errësira. Ekspertët e AgroWeb.org thonë se për të arritur këtë, duhet të fikni të gjitha pajisjet elektronike që lëshojnë një ndriçim të vështirë.

Sasia më e madhe e melatoninës çlirohet në orën 2 të mëngjesit, kur gjumi është më i thellë. Bëni një banjë të ngrohtë, qetësohuni përpara gjumit dhe përpiquni mos të hani pas orës 20.00.

Mëngjesi i mirë, fillim i mbarë

Një mëngjes i shëndetshëm përbëhet nga vezët, djathi, gjiza, qumështi, gjalpi, avokado dhe arrat. Dreka dhe darka duhet të përbëhen nga perimet dhe proteinat.

Ju duhet të kufizoni karbohidratet dhe të konsumoni më shumë lakër dhe lulelakër. Ato përmbajnë vitaminë K dhe kalçium që ju mbrojnë nga radikalet e lira. Mos lini mënjanë panxharin dhe spinaqin që përmbajnë antioksidantë dhe enzimën Q10. AgroWeb.org ju sugjeron të konsumoni më shumë arrorë, çokollatë të zezë, presh, shparg, thjerëza jeshile dhe qepë.

Supa e mishit është burim i shkëlqyer kolagjeni. Frutat e pyllit, karrotat, portokallet, specat dhe barishtet duhen konsumuar me bujari. Qepët, majdanozi dhe sallata jeshile duhet të jenë pjesë e regjimit tuaj ushqimor. Mos harroni peshkun të paktën dy herë në javë. Ai e furnizon organizmin me acidet yndyrore Omega-3.

Aktiviteti fizik, gjysma e punës

Shmangni stresin, është këshilla më e përsëritur por më e vyer nga të gjitha. Optimizmi është thelbësor për një jetë dhe shëndet të mirë. Aktiviteti fizik është i nevojshëm për të përmirësuar nivelet e energjisë dhe do ju falë shumë gjallëri.

Falë aktivitetit fizik, truri do të furnizohet me më shumë energji. Rrjedhimisht ju do të keni një kujtesë të fortë. Mjafton ecja për të larguar stresin dhe ankthin dhe për të pasur një shëndet mendor optimal.

Gjatë aktivitetit fizik, trupi çliron endorfinë, që ju ndihmon të luftoni depresionin. Për një jetë të shëndetshme kryeni të paktën 30 minuta aktivitet fizik në tre ditë të javës./AgroWeb.org

/portali DurresLajm/

Na bëni like në facebook!: 

Lajme nga e njëjta kategori

Del në shitje shtëpia më e shtrenjtë në botë, e cila në treg kap shifrën e 500 milionë dollarëve sipas Daily Star.

Ditën e sotme, Princi Philip do të përcillet për në banesën e fundit. Ceremonia mortore, e cila do të bëhet në orën 15:00, me kohën lokal

E para lindi gjuha e më pas shkrimi, megjithatë kjo nuk do të thotë se duhet e mund të flasim për gjithçka.

Këngëtari me famë botërore, Justin Bieber, ka dhënë së fundmi një intervistë për revistën e njohur GQ.

Një 31-vjeçar nga qyteti i Breshias ka rënë në prangat e policisë pasi akuzohet se kishte dhunuar të dashurën e tij për shkaqe xhelozie,

I ndjeri Princi Philip raportohet se ka pasur një marrëdhënie të shkëlqyer me Lady Dianën. Mediat e huaja kanë publikuar edhe letrat mes

Ish-Zonja e Parë e Shteteve të Bashkuara të Amerikës, Michelle Obama do t’i bashkohet së shpejti Hollit Kombëtar të Famës të Grave, insti

Këto tri shenja karakterizohen nga një kuriozitet intelektual, por edhe zgjuarsi e madhe.

Anëtarët e Familjes Mbretërore treguan disa fotografi të papublikuara më parë të Dukës së Edinburgut, pas vdekjes së tij në moshën 99-vje

Felix Lalo është një nga të rinjtë më të famshëm në TikTok tani për tani.