Pse delfinët janë socialë dhe inteligjentë si njerëzit, edhe pse janë zhvilluar në mjedis tjetër?

22/02/2021 - 22:19

Delfinët kanë zhvilluar një numër të tipareve të ngjashme të personalitetit me njerëzit, pavarësisht se kanë evoluar në mjedise jashtëzakonisht të ndryshme, kanë zbuluar studiuesit.

Një studim, i botuar në Journal of Comparative Psychology, shikoi 134 delfinë meshkuj dhe femra nga tetë ambiente në të gjithë botën. Rezultatet e studimit gjetën një konvergjencë të disa tipareve të personalitetit, veçanërisht kuriozitetin dhe shoqërueshmërinë.

Studimi i ka ndihmuar studiuesit të kuptojnë se si tipare të caktuara të personalitetit njerëzor zhvillohen në mënyrë të pavarur nga mjediset. Këto ngjashmëri u gjetën pavarësisht se delfinët kanë evoluar në një mjedis krejtësisht të ndryshëm nga primatët, me paraardhësin e fundit të përbashkët që jetoi rreth 95 milion vjet më parë.

Dr Blake Morton, një pedagog i psikologjisë në Universitetin e Hull dhe autori kryesor i studimit, tha se ky hulumtim ishte hera e parë që personaliteti i delfinëve ishte studiuar në këtë mënyrë.

Morton tha: “Delfinët janë një kafshë e shkëlqyeshme për këtë lloj studimi sepse, ashtu si primatët, delfinët janë inteligjentë dhe socialë. Ne arsyetuam se nëse faktorë të tillë si inteligjenca kontribuojnë në personalitet, atëherë delfinët duhet të kenë tipare të ngjashme të personalitetit me primatët.”

Ai tha: “Delfinët, si shumë primatë, kanë tru shumë më të madh sesa kërkojnë trupat e tyre për funksionet themelore; kjo tepricë e lëndës së trurit në thelb fuqizon aftësinë e tyre për të qenë inteligjentë, dhe speciet inteligjente shpesh janë shumë kurioze.”

Morton tha se modeli më i pranuar gjerësisht i personalitetit njerëzor përcaktohet nga pesë tipare, të cilat përsëriten kudo në personalitetin njerëzor pavarësisht nga mjedisi. Këto tipare janë çiltërsia, ndërgjegjshmëria, ekstraversioni, pëlqyeshmëria dhe neurotizmi.

/portali DurresLajm/

Na bëni like në facebook!: 

Lajme nga e njëjta kategori

Në një incident të çuditshëm, një aeroplan pasagjerësh u detyrua të bënte një ulje emergjente dhe të kthehej në aeroport në kryeqytetin s

Rrudhat që formohen në qafë mund të shkaktojnë probleme në paraqitjen e jashtme të një gruaje.

Është një nga balsamët më efikasë që mund të përdoret për flokët, pa kosto dhe antialergjik. Dhe para së gjithash jo i ndërlikuar.

Ka shumë truke efikase sesi të investoni para dhe të fitoni më shumë prej tyre.

Tharësja e flokëve është një nga mjetet themelore të një gruaje dhe në fakt është më e dobishme sesa imagjinoni.

Disa “sekrete” të vogla do t’ju ndihmojnë të dukeni më bukur dhe t’i përshtateni llojit të fytyrës që keni.

31-vjeçarja nga Gjermania, Stefanie Classen njihet si Rapunzel.

Një meteorit duhet të ketë rënë diku mbi Mbretërinë e Bashkuar, nga një meteor i madh i cili ndriçoi qiellin në Britani një natë më parë,

Era e pakëndshme e këpucëve na bezdis të gjithëve pa përjashtim.

Një postier në Vietnam është konsideruar si një hero, pasi ai shpëtoi një vajzë të vogël teksa ajo ishte duke rënë nga një ndërtesë 12-ka